USD 436.29 EUR 492.83
RUB 5.92 CNY 68.48
جاڭالىقتار

جاڭادان قابىلدانعان «اۋىل - ەل بەسىگى» جوباسى قانشا اۋىلدى قامتيدى

1 ناۋرىز 10:08
:ءبولىسۋ
جاڭادان قابىلدانعان «اۋىل - ەل بەسىگى» جوباسى قانشا اۋىلدى قامتيدى

استانا. قازاقپارات - ق ر ۇلتتىق ەكونوميكا ءمينيسترى رۋسلان دالەنوۆ «اۋىل - ەل بەسىگى» اياسىندا بولاشاعى بار اۋىلداردى ىرىكتەۋ جۇيەسى تۋرالى ايتىپ بەردى، دەپ حابارلايدى قازاقپارات ءتىلشىسى.

«پەرسپەكتيۆالىق اۋىلداردى دامىتۋ ءۇشىن «اۋىل - ەل بەسىگى» ارنايى جوباسى قارجىلاندىرىلادى. وعان ءۇش جىلدا 90 ميلليارد تەڭگە بولىنەدى. جوبا 1500 پەرسپەكتيۆالىق اۋىلدى قامتيتىن بولادى. ولاردىڭ تىزبەسى جاسالدى. اۋىلدىڭ بولاشاعى بار ما، جوق پا، حالىقتىڭ تىعىزدىعىنا، ورنالاسقان جەرىنە، دامۋ الەۋەتىنە جانە تاعى باسقا كورسەتكىشتەرگە قاراي ايقىندالادى»، - دەدى ر. دالەنوۆ ۇكىمەتتىڭ بۇگىنگى وتىرىسىندا.

ايتا كەتەيىك، «نۇر وتان» پارتياسىنىڭ XVIII سەزىندە ق ر پرەزيدەنتى نۇرسۇلتان نازاربايەۆ «اۋىل - ەل بەسىگى» اتتى ارنايى جوبانى ىسكە اسىرۋدى تاپسىرعان بولاتىن.

«ەڭ الدىمەن ۇكىمەت اكىمدەر مەن ماسليحاتتارمەن بىرلەسە وتىرىپ، بولاشاعى بار اۋىلداردى ىرىكتەپ الۋى ءتيىس. سول جەردە الەۋمەتتىك سالانى دامىتىپ، ينتەرناتتار سالۋ قاجەت. اۋىلداردى تۇراقتى دامۋ وشاقتارىنا اينالدىرۋىمىز كەرەك. وسى ورايدا قىتاي حالىق رەسپۋبليكاسىنىڭ تاجىريبەسىنە سۇيەنىپ، اۋىلدا حالىق تۇتىناتىن تاۋارلاردى شىعارۋ، اۋىل شارۋاشىلىعى ونىمدەرىن وڭدەۋ جانە باسقا دا شارالاردى قولعا العان ءجون. ونداي اۋىلداردا باسپانا مەن جولداردى سالىپ، شاعىن جانە ورتا بيزنەستى دامىتۋ قاجەت. ال بولاشاعى جوق ەلدى مەكەندەردىڭ تۇرعىندارى سول اۋىلدارعا كوشۋگە تىرىسادى. اۋىلدا اقشا تاۋىپ، لايىقتى ءومىر سۇرۋگە بولادى. وسىعان بايلانىستى ۇكىمەتكە «اۋىل - ەل بەسىگى» دەگەن ارنايى جوبانى ىسكە اسىرۋعا قاتىستى ۇسىنىستاردى ازىرلەۋدى تاپسىرامىن. 2019-2021 -جىلدارى وعان 90 ميلليارد تەڭگە ءبولۋ كەرەك. سونىڭ ارقاسىندا جاستاردى اۋىلدا ۇستاپ قالۋعا مۇمكىندىك بار»، - دەدى ن. نازاربايەۆ.

اۆتور: ارمان اسقاروۆ


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات