اۋىلدىڭ جولدارى جوندەلەدى - مينيستر
ۇكىمەتتىڭ بۇگىنگى وتىرىسىندا ق ر يندۋستريا جانە ينفراقۇرىلىمدىق دامۋ ءمينيسترى رومان سكليار قوسىمشا قارجىنىڭ ارقاسىندا قانشا شاقىرىم جولدىڭ جوندەلەتىنىن ايتتى، دەپ حابارلايدى قازاقپارات ءتىلشىسى.
ءمينيستردىڭ ايتۋىنشا، بۇگىندە جەرگىلىكتى جولدارعا رەسپۋبليكالىق جانە جەرگىلىكتى بيۋدجەتتەردەن جىل سايىن 150 ميلليارد تەڭگەدەن استام قارجى ءبولىنىپ تۇرادى. ال قوسىمشا قاراجاتتىڭ ارقاسىندا اتالعان سوما 200 ميلليارد تەڭگەنى قۇرايتىن بولادى.
«بۇل قارجى 5 مىڭ شاقىرىمنان استام جولدى جوندەۋگە مۇمكىندىك بار. جولداردى جوندەۋ بويىنشا جوبالار تىزبەسى جاسالدى. نەگىزگى كۇش اۋىلدى ەلدى مەكەندەردى دامىتۋعا سالىنادى. اتالعان شارالار 2025 -جىلدىڭ سوڭىنا قاراي جەرگىلىكتى جولداردىڭ 95 پروتسەنتىن جاقسارتۋعا مۇمكىندىك بەرەدى»، - دەدى ر. سكليار ۇكىمەتتىڭ بۇگىنگى وتىرىسىندا.
ونىڭ سوزىنە قاراعاندا، پرەزيدەنتتىڭ تاپسىرماسى اياسىندا جەكە ينۆەستيتسيالاردىڭ ەسەبىنەن كولىك ينفراقۇرىلىمى نىساندارىن مودەرنيشاتسيالاۋ جوسپارلانىپ وتىر.
ايتا كەتەيىك، كەشەگى سەزدە مەملەكەت باسشىسى جەرگىلىكتى جەردەگى اۆتوجولداردىڭ دامىتۋدى ۇكىمەتتىڭ باستى مىندەتى رەتىندە بەلگىلەدى.
«وسى ماقساتتا قوسىمشا 350 ميلليارد تەڭگە ءبولۋدى تاپسىرامىن. وسىنىڭ ارقاسىندا 2025 - جىلعا قاراي وبلىستىق جانە اۋداندىق جولداردىڭ 95 پروتسەنتىن جاقسارتۋعا بولادى. ايماقتاعى كولىك ينفراقۇرىلىمىنىڭ بارلىق نىساندارى - اۋەجايلار، اۆتو جانە تەمىرجول ۆوكزالدارىن مودەرنيزاتسيالاۋ قاجەت»، - دەپ اتاپ كورسەتتى ن. نازاربايەۆ.
اۆتور: ارمان اسقاروۆ