+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

قىزدى ۇل رەتىندە تاربيەلەپ وسىرەتىن پاكىستاندىق سالت-ءداستۇر جايلى نە بىلەمىز؟

1 ناۋرىز 09:29
:ءبولىسۋ
قىزدى ۇل رەتىندە تاربيەلەپ وسىرەتىن پاكىستاندىق سالت-ءداستۇر جايلى نە بىلەمىز؟

استانا. قازاقپارات - «باچا-پوش» سالت-ءداستۇرى پاكىستان مەن اۋعانستاندا ەجەلدەن بەرى ۇستانىپ كەلە جاتىر.

داستۇرگە سايكەس، وتباسىدا كىلەڭ قىزدار تۋعان جاعدايدا، ولاردىڭ ءبىرىن ۇل رەتىندە تاربيەلەپ وسىرەدى دەپ جازادى zerkalo.cc سايتىنا سىلتەمە جاساعان KAZ. NUR. KZ.

ۇل بالا رەتىندە وسىرۋگە تاڭدالعان قىزدىڭ شاشىن قىسقارتىپ، وعان ەر ادام اتىن بەرەدى. ول ۇنەمى ۇلداردىڭ كيىمىن كيىپ جۇرۋگە مىندەتتەلىپ، مەيرامداردا تەك قانا ەر بالالارعا ساي سىيلىق الادى.

Фото: kulturologia.ru

ەسىك الدىندا ول ۇنەمى ۇلدارمەن ويناپ، ءتىپتى توبەلەسىپ قالۋى دا مۇمكىن.

بۇل مەملەكەتتەردە ايەلدەرگە قاراعاندا ەر ادامداردىڭ قۇقىعى مەن بوستاندىعى اناعۇرلىم جوعارى تۇرادى.

ۇلعا اينالعان قىز بالا باچا-پوش تاجىريبەسىنىڭ ارقاسىندا ءبىلىم الۋعا مۇمكىندىك الىپ، ءۇي جيناۋ مەن تاماق ازىرلەۋ ىسپەتتى مىندەتتەردەن قۇتىلادى.

Фото: kulturologia.ru

پاكىستان مەن اۋعانستان حالقى الەۋمەتتىك قىسىمعا وتە جاقىن. سول سەبەپتى ولار ءۇشىن ۇرپاق جالعاستىرۋشى ۇلدىڭ بولماۋى اۋىر جاعداي بولىپ سانالادى. جەرگىلىكتى تۇرعىندار اراسىندا قىزدىڭ باچا-پوشتان ءوتۋى، كەلەسى بالانىڭ ۇل بولىپ دۇنيەگە كەلۋىنە سەپشى بولادى دەگەن سەنىم بار.

Фото: kulturologia.ru

وتباسى قىزىنىڭ تۇرمىس قۇراتىن ۋاقىتى كەلگەنىن شەشكەن كەزدە، ونى قايتادان بويجەتكەن قالپىنا قايتارادى. بۇرىندا وعان جاساۋعا رۇقسات ەتىلگەن نارسەلەردىڭ كوبى ءبىر كۇندە وعان قاتاڭ تۇردە تىيىم سالىنعان بولىپ شىعا كەلەدى. ارۋعا قايتادان جاڭا ومىرگە ۇيرەنىسۋگە تۋرا كەلەدى.

قىزداردىڭ كوپشىلىگى بۇل تاجىريبەنى اسا اۋىر قابىلدايدى. ولاردىڭ كەيبىرى ءتىپتى ءومىرىن ۇل رەتىندە جالعاستىرا بەرگىسى كەلىپ قالادى. ولار تاماق ازىرلەپ، ءۇي جيناۋدى بىلمەيدى. باچا-پوشتان وتكەن ارۋلارعا قايتا بۇرىنعى قالىپقا كەلۋ پسيحولوگيالىق تۇرعىدان اسا اۋىر ەكەن.


#الةم  
:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات