سەمەيدە «جاس بارلاۋشى» اسكەري-پاتريوتتىق كلۋبى اشىلدى
اتالمىش شارا ەلباسىنىڭ قازاقستان حالقىنا جولداعان جولداۋىن ورىنداۋ اياسىندا اسكەري-پاتريوتتىق تاربيەنىڭ ءرولىن كۇشەيتۋ جانە «شىعىس» وڭىرلىك قولباسشىلىعى مەن شىعىس قازاقستان وبلىسى اسكەري باسقارماسىنىڭ جەرگىلىكتى ورگاندارىنا قولداۋ كورسەتۋ ماقساتىندا سەمەي قالاسىنداعى 49№ مەكتەپتە ۇيىمداستىرىلدى.
شارانىڭ سالتاناتتى اشىلۋ راسىمىندە كلۋبتىڭ مۇشەلەرى انت بەردى. شارادا اسكەري جانە مەملەكەتتىك-قۇقىقتىق دايىندىق ءىسىنىڭ ۇزدىگى، «شىعىس» وڭىرلىك قولباسشىلىعىنىڭ اسكەري قىزمەتشىسى ەلنۇر ورازحان كلۋبتىڭ كومانديرى، 10-سىنىپ وقۋشىسى دياس التىنبەكوۆكە اسكەري-پاتريوتتىق كلۋبتىڭ تۋىن تاپسىردى.
اۋعانستانداعى سوعىس ارداگەرلەرى قوعامدىق كەڭەسىنىڭ ءتوراعاسى بورانباي بەگاتوۆ، قازاقستان رەسپۋبليكاسى قارۋلى كۇشتەرىنىڭ ارداگەرى، وتستاۆكاداعى پولكوۆنيك ۆلاديمير كونوۆالوۆ، قالالىق ءبىلىم باسقارماسىنىڭ وكىلدەرى جانە گارنيزوننىڭ اسكەري قىزمەتشىلەرى جاس پاتريوتتاردى قۇتتىقتادى.
سونىمەن قاتار مەكتەپ اۋماعىندا باستاپقى اسكەري دايىندىق جانە اسكەري-پاتريوتتىق تاربيە سىنىپتارى جۇمىسىن باستادى.
ايتا كەتەيىك، بۇگىنگى تاڭدا سەمەيدە 23 اسكەري-پاتريوتتىق كلۋب بار.