تەمەكىنىڭ ورنىنا الما: رۋدنىيلىق پوليتسەيلەر ەرەكشە اكسيا باستادى

None
None
قوستاناي. قازاقپارات - رۋدنىي قالاسى پوليتسيا باسقارماسىنىڭ قوعامدىق كومەكشىلەرى جاستار رەسۋرستىق ورتالىعىمەن بىرلەسىپ «نيكوتين ەمەس، ۆيتامين» اكسياسىن وتكىزدى، دەپ حابارلايدى قازاقپارات.

رۋدنىي پوليتسيا باسقارماسىنىڭ باسشىسى ءالىم باجىكبايەۆ ايتقانداي، بۇل اكسياعا ەرىكتىلەر توبى بەلسەنە قاتىستى. ولار قوعامدىق ورىنداردا، اۆتوبۋس ىشىندە ادامداردىڭ ءبىر تال تەمەكسىن ءبىر الماعا الماستىردى.

«الما وكپە اۋرۋلارىنىڭ ورشۋىنە قارسى كۇرەسە الاتىن شيپاعا يە. عالىمدار اپتا ىشىندە ەكى المانىڭ ءوزى كومەكتەسەتىنىن دالەلدەدى. اسىرەسە، بۇل جەمىستىڭ كوك ءتۇستىسى شىلىمقورلاردىڭ زياندى ادەتتەن ارىلۋىنا كومەكتەسەدى. اكسياعا كەزدەيسوق جۇزبە-ءجۇز جولىققان 30 شاقتى ادام قاتىستى. ارينە، مۇنى اركىم ءارتۇرلى قابىلدادى. الدەبىرەۋى ءبىر الما ءۇشىن ءبىر تال تەمەكىدەن باس تارتۋعا قارسىلىق بىلدىرگەن جوق، ال ەندى ءبىرى شىلىمنان تۇتاس قورابىمەن باس تارتتى»، - دەيدى قوعامدىق كومەكشى، ەرىكتىلەر توبىنىڭ مۇشەسى ماريا زيۋۆانوۆا.

وسىلايشا رۋدنىيلىقتار قىزىقتى ءارى ءتيىمدى اكسياعا باستاما بولدى. ولار بۇل شارانىڭ ءارى قاراي جالعاسىن تاباتىنىنا سەنىمدى.

پوليتسيا دەپارتامەنتىندە اتاپ وتكەندەي، ستاتيستيكاعا بويىنشا قازاقستاندا جىل سايىن 25 مىڭ ادام تەمەكى كەسىرىنەن كوز جۇمادى ەكەن. تاباك ونىمدەرىن تۇتىنۋ - ونكولوگيالىق كوپتەگەن اۋرۋدىڭ باستى سەبەپشىسى.

سوڭعى جاڭالىقتار