اۆستريادا قازاقستاندىق شاڭعىشى قاماۋدان بوساتىلدى
ق ر شاڭعى جارىسىنىڭ ۇلتتىق فەدەراتسياسىنىڭ باسپا ءسوز حاتشىسى سامال ناۋرىزوۆا حابارلاعانداي، الەكسەي پولتورانين اۆستريا تۇرمەسىنەن بوساتىلعان.
«قازىر سپورتشى زەەفەلد قالاسىندا. الەكسەي ءوزىن قالىپتى سەزىنۋدە. ونىڭ الەم چەمپيوناتىنداعى جارىستارعا قاتىسۋى كەيىن انىقتالاتىن بولادى»، - دەيدى سامال ناۋرىزوۆا.
ەسكە سالا كەتسەك، كەشە اۆستريانىڭ زەەفەلدە قالاسىندا ءوتىپ جاتقان الەم چەمپيوناتىندا الەكسەي پولتورانين جارىس جولىنا شىقپاي قالدى. نەمىس جۋرناليسى حايو زەپپەلت تۋيتتەردەگى اككاۋنتىندا «شاڭعى جارىسىنان ءوتىپ جاتقان الەم چەمپيوناتىندا قازاقستان، اۆستريا جانە ەستونيا سپورتشىلارى انتيدوپينگتىك ەرەجەلەردى بۇزدى دەپ كۇدىككە ىلىنگەنىن» جازدى. اتالمىش وقيعاعا قاتىستى استانادا باسپا ءسوز ءماسليحاتىن وتكىزگەن سپورت جانە دەنە شىنىقتىرۋ كوميتەتىنىڭ ءتوراعاسى سەرىك ساپيەۆ «مەن الەكسەيدىڭ تازا سپورتشى ەكەنىنە سەنىمدىمىن» دەگەن بولاتىن.