قازاقستاندا تۇڭعىش «ۇلتتىق ونەر» فاكۋلتەتى اشىلدى
تەمىربەك جۇرگەنوۆ اتىنداعى قازاق ۇلتتىق ونەر اكادەمياسىندا ەلباسى ن. ءا. نازاربايەۆتىڭ «ۇلى دالانىڭ جەتى قىرى» ماقالاسىنداعى ماقسات پەن مىندەتتەردى ىسكە اسىرۋ اياسىندا، حالقىمىزدىڭ رۋحاني قۇندىلىقتارى مەن تامىرى تەرەڭدە جاتقان ۇلتتىق مادەنيەتىمىزدى وركەندەتۋ ماقساتىندا ەلىمىزدە تۇڭعىش رەت «ۇلتتىق ونەر» فاكۋلتەتى اشىلدى. شارانى ونەر اكادەمياسىنىڭ رەكتورى اسحات ماەميروۆ العى سوزبەن اشتى.
«قادىرمەندى اعايىن، قۇرمەتتى قوناقتار! بۇگىنگى شارانى ءبىزدىڭ ۇلانعايىر مەملەكەتىمىزدىڭ مادەني كەڭىستىگىندە، رۋحاني ومىرىندەگى ەرەكشە ءبىر ەلەۋلى وقيعا دەپ ويلايمىن! ەلباسى ن. نازاربايەۆتىڭ «ۇلى دالانىڭ جەتى قىرى» ماقالاسىندا ۇلت ونەرى مەن مادەنيەت جولدارىن ۇلىقتاۋدىڭ بۇكىل مەحانيزمدەرى كورسەتىلگەن. سول كوتەرىلگەن ماقسات مىندەتتەردى جۇزەگە اسىرۋ ءۇشىن وسى فاكۋلتەتتى اشۋ قاجەتتىلىگى تۋىندادى»، - دەدى رەكتور.
شاراعا قازاقتساننىڭ حالىق ءارتيسى سارا تىنىشتىعۇلوۆا، قازاقستاننىڭ ەڭبەك سىڭىرگەن قايراتكەرى، ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ پروفەسسورى پەرنەبەك مومىنوۆ، قۇرمانعازى وركەسترىنىڭ ديرەكتورى نۇرعيسا داۋەشوۆ، وتىرار سازى وركەسترىنىڭ كوركەمدىك جەتەكشىسى ءدىنزۋحرا تىلەنديەۆا جانە ۇلتتىق جوعارى وقۋ ورىندارىنىڭ رەكتورلارى قاتىستى.
قازاقستاننىڭ ەڭبەك سىڭىرگەن قايراتكەرى، ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ پروفەسسورى پەرنەبەك مومىنوۆ ءوز سوزىندە: «جاڭادان اشىلىپ جاتقان بۇل «ۇلتتىق ونەر» فاكۋلتەتى ەل مادەنيەتى ءۇشىن ايتۋلى وقيعا. جاستار جىلىندا جاستارعا جول اشىپ جاتقاندارىڭىزعا ءدان ريزامىن. بۇل قازاق ونەرىن بۇكىل الەمگە پاش ەتۋگە، ۇلكەن مۇمكىندىك!» - دەپ، جۇرەكجاردى لەبىزىن ءبىلدىردى.
شارا بارىسىندا قازاقتىڭ حالىق اندەرى مەن ءداستۇرلى اندەرىن كەڭىنەن ناسيحاتتاپ جۇرگەن ءانشى، قازاقستاننىڭ ەڭبەك سىڭىرگەن ءارتىسى، «ءداستۇرلى مۋزىكالىق ونەر» كافەدراسىنىڭ مەڭگەرۋشىسى رامازان ستامعازيەۆ اقان سەرىنىڭ ءوزى قولدانعان دومبىراسىن قولعا الىپ اۆتوردىڭ رەپەرتۋارىنداعى اندەرىن شىرقادى.
