بيۋدجەتتىك سالادا كىمنىڭ جالاقىسى وسەدى
ءمينيستردىڭ ايتۋىنشا، اتالعان شارالارمەن جالپى رەسپۋبليكا بويىنشا 643407 قىزمەتكەر قامتىلادى.
«ولار - الەۋمەتتىك جۇمىسكەرلەر، كىتاپحاناشىلار، ورمانشىلار، ۆەتەرينار دارىگەرلەر، ءىس جۇرگىزۋشىلەر، اۋلا سىپىرۋشىلارى، تەحنيكالىق پەرسونال جانە تاعى باسقا قىزمەتكەرلەر. مىسالى، ورتاشا جالاقى 69 مىڭ تەڭگەنى قۇراسا، ەندى ول 90 مىڭ تەڭگەنى قۇرايدى. ول ءۇشىن قوسىمشا 459,5 ميلليارد تەڭگە قاجەت. سونىڭ ىشىندە 2019 -جىلدا 90,7 ميلليارد تەڭگە ءبولۋ كەرەك» ، - دەدى ر. دالەنوۆ ۇكىمەتتىڭ بۇگىنگى وتىرىسىندا.
ايتا كەتەيىك، كەشە «نۇر وتان» پارتياسىنىڭ XVIII سەزىندە ق ر پرەزيدەنتى نۇرسۇلتان نازاربايەۆ تومەن جالاقى الاتىن بيۋدجەتتىك سالا قىزمەتكەرلەرىنىڭ ايلىعىن 30 پروتسەنتكە كوتەرۋدى تاپسىردى.
ق ر ءبىلىم جانە عىلىم ءمينيسترى كۇلاش ءشامشيدينوۆا ءبىلىم سالاسىندا 500 مىڭعا تارتا ادامنىڭ جالاقىسىن كوتەرۋدى كوزدەيدى.
ال ق ر دەنساۋلىق ساقتاۋ ءمينيسترى ەلجان ءبىرتانوۆ 225 مىڭنان استام مەديتسينا قىزمەتكەرلەرىنىڭ جالاقىسى وسەدى دەپ وتىر.