قازاق ۇلتتىق ونەر ۋنيۆەرسيتەتىندە جاڭا ماماندىقتار اشىلماق
بۇل تۋرالى ورتالىق كوممۋنيكاتسيالار قىزمەتىندە وتكەن بريفينگ بارىسىندا ۋنيۆەرسيتەت رەكتورى ايمان مۇساحوجايەۆا مالىمدەدى.
بۇدان بولەك الداعى ۋاقىتتا جاس تالانتتى جازۋشىلاردى، اقىنداردى، سۋرەتشىلەر مەن مۋزىكانتتاردى قولداۋ ماقساتىندا ادەبيەت جانە ونەر ينستيتۋتىن اشۋ جايى قاراستىرىلىپ جاتىر. جالپى، بۇگىندە ۋنيۆەرسيتەت قابىرعاسىندا كادرلاردى دايارلاۋدىڭ 5 ساتىلى مودەلى ەنگىزىلگەن، ياعني مەكتەپ، كوللەدج، باكالاۆريات، ماگيستراتۋرا جانە دوكتورانتۋرا.
ايمان مۇساحوجايەۆا، قازاق ۇلتتىق ونەر ۋنيۆەرسيتەتىنىڭ رەكتورى:
- قازىرگى كەزدە ۋنيۆەرسيتەت جۇمىسىنىڭ تيىمدىلىگى تۇلەكتەردىڭ جۇمىسپەن قامتاماسىز ەتىلۋ كورسەتكىشى بويىنشا باعالانادى. بۇل تۋرالى كەشەگى سەزدە مەملەكەت باسشىسى دا ايتقان بولاتىن. بىلتىر ءبىزدىڭ ۋنيۆەرسيتەتتى باكالاۆر دارەجەسى بويىنشا 304 ادام ءتامامدادى، ولاردىڭ 95 پايىزى جۇمىسقا ورنالاستى. ال ماگيستراتۋرانى 50 تۇلەك بىتىرسە، قازىر بارلىعى ەڭبەك ەتىپ ءجۇر.
www.24.kz