استانادا عىلىم، مادەنيەت جانە ونەر سالاسىنداعى ۇزدىكتەر ماراپاتتالدى

 استانا. قازاقپارات - بۇگىن نازاربايەۆ ورتالىعىندا عىلىم، مادەنيەت جانە ونەر سالاسىنداعى ەڭبەك ەتىپ جۇرگەن ۇزدىكتەرگە ق ر تۇڭعىش پرەزيدەنتى - ەلباسى قورىنىڭ سىيلىعى تاپسىرىلدى، دەپ حابارلايدى قازاقپارات قوردىڭ باسپا ءسوز قىزمەتىنە سىلتەمە جاساپ.

ءىس- شارادا قازاقستاننىڭ جاراتىلىستانۋ، گۋمانيتارلىق، تەحنيكالىق عىلىمدارىن دامىتۋعا ەلەۋلى ۇلەس قوسىپ جۇرگەن عالىمدارمەن قاتار، مۋزىكانتتار جانە ارتىستەر سالتاناتتى جاعدايدا ماراپاتتالدى.

 تۇڭعىش پرەزيدەنت قورى بىرەگەي زەرتتەۋلەر مەن ۇزدىك جوبا اۆتورلارىن انىقتاۋدى داستۇرگە اينالدىرعان. جاس عالىمدار مەن شىعارماشىل جاستاردى قولداۋ ماقساتىندا 2008 -جىلدان بەرى بايقاۋ ۇيىمداستىرىلىپ، لاۋرەاتتار تاڭدالادى. كونكۋرس مۋزىكا، تەاتر جانە سۋرەت ونەرىنىڭ، كينەماتوگرافيا، كوركەم ادەبيەت، جۋرناليستيكا، فيزيكا، ماتەماتيكا، ينجەنەرلىك، قوعامدىق جانە گۋمانيتارلىق باعىتتار بويىنشا وتكىزىلەدى. وسى كۇنگە دەيىن 240 مامان لاۋرەات اتانعان. بۇگىن تاعى 18 تالاپشىل جاس وسى ءتىزىمدى تولىقتىردى. ناتيجەسىندە اتالعان كونكۋرس بويىنشا تۇڭعىش پرەزيدەنت قورىندا 258 لاۋرەات بار.

بۇگىنگى ماراپاتتاۋ شاراسىنا ق ر پارلامەنتى سەناتىنىڭ دەپۋتاتى، پارلامەنت سەناتى حالىقارالىق قاتىناستار، قورعانىس پەن قاۋىپسىزدىك كوميتەتىنىڭ ءتوراعاسى، قازاقستان رەسپۋبليكاسىنىڭ تۇڭعىش پرەزيدەنتى - ەلباسى قورىنىڭ ديرەكتورى داريعا نازاربايەۆا، شەت ەلدەردىڭ قازاقستانداعى توتەنشە جانە وكىلەتتى ەلشىلەرى، ق ر پارلامەنتىنىڭ دەپۋتاتتارى، قوعام قايراتكەرلەرى، عىلىم مەن مادەنيەت قىزمەتكەرلەرى، ۇ ە ۇ وكىلدەرى قاتىستى.

سىيلىق تاعايىنداۋ سالتاناتتى شاراسىن اشۋ بارىسىندا ق ر تۇڭعىش پرەزيدەنتى - ەلباسى قورىنىڭ ديرەكتورى داريعا نازاربايەۆا جينالعان قاۋىمدى كەلە جاتقان العىس ايتۋ كۇنىمەن قۇتتىقتاپ، لاۋرەاتتارعا العىس ايتتى.

«بەلسەندىلىك تانىتقان كونكۋرس قاتىسۋشىلارىنا العىس ايتامىن. سىزدەر زياتكەرلىك، شىعارماشىلىق جۇمىسىڭىزبەن رۋحاني قۇندىلىقتاردىڭ نىعايۋىنا، ۇلتتىق مادەنيەتتىڭ دامۋىنا اتسالىسىپ، حالىقارالىق ارەنادا قازاقستان ءيميدجىن كوتەرىپ، ەل ابىرويىن اسقاقتاتىپ جۇرسىزدەر. سىزدەرگە كوپ راحمەت!» ، - دەدى ول.

 لاۋرەاتتارعا ديپلوم، توسبەلگى جانە اقشالاي سىيلىق بەرىلدى.

ايتا كەتۋ كەرەك، تۇڭعىش پرەزيدەنت قورىنىڭ لاۋرەاتتارى قاتارىندا ديماش قۇدايبەرگەن، اسەل ساعاتوۆا، الىشەر كارىموۆ جانە باسقا دا تانىمال تۇلعالار بار.

 عىلىم سالاسىنداعى سىيلىق يەگەرلەرى:

 - نۇرحات جاقيەۆ - نازاربايەۆ ۋنيۆەرسيتەتىنىڭ عىلىمي قىزمەتكەرى، PhD دوكتور. سىيلىق جىلۋ ەلەكتر ستانسالارىنىڭ قۋات تيىمدىلىگىن %15 جوعارلاتاتىن بىرەگەي كوپفاكتورلى ماتەماتيكالىق مودەلىنىڭ جۇمىسىن وڭتايلاندىرۋ زەرتتەۋى ءۇشىن تاعايىندالدى.

- الميرا جىلقاشينوۆا - س. امانجولوۆ ات. شىعىس قازاقستان مەملەكەتتىك ۋنيۆەرسيتەتىنىڭ اعا عىلىمي قىزمەتكەرى، فيزيكا- ماتەماتيكالىق عىلىمدارىنىڭ كانديداتى. سىيلىق دەريۆاتسيالىق تۇردەگى بىرەگەي وتاندىق ۇشقىشسىز كىشى گيدروەلەكتروستانساسىن ويلاپ تاپقانى ءۇشىن بەرىلدى؛

- ارايلى زاكيەۆا - سەمەي ق. شاكارىم ات. مەملەكەتتىك ۋنيۆەرسيتەتىنىڭ اگرارلىق فاكۋلتەتى دەكانىنىڭ ورىنباسارى، PhD دوكتور. سىيلىق كليمات پەن توپىراققا بەيىمدەلەتىن مول ءونىم بەرەتىن وتاندىق بۇرشاقتى داقىلدار ويلاپ تاپقانى ءۇشىن تاعايىندالدى؛

 - دينارا سارىبايەۆا - قازاق ۇلتتىق اگرارلىق ۋنيۆەرسيتەتىنىڭ اعا وقىتۋشىسى، PhD دوكتور. پرەميا ىشەك- قارىن اۋرۋلارىن الدىن الۋعا جانە ەمدەۋگە ارنالعان شەتەلدىك پرەپاراتتى اۋىستىراتىن «انتاكون» ءدارىسىن دايىنداعانى ءۇشىن بەرىلدى؛

- حايدار تاسىبەكوۆ - ءال- فارابي ات. قازمۋ باس عىلىمي قىزمەتكەرى، حيميا عىلىمدارىنىڭ دوكتورى. سىيلىق قازاقستاننىڭ پوليمەتالل كەندەرىنەن رەنيي، موليبدەن جانە ۆولفرام الۋ ءۇشىن جوعارى ءتيىمدى يمپورتتىق كومىرتەكتى سوربەنتتى اۋىستىراتىن زەرتتەمەسى ءۇشىن؛

- ماناپ جانتاسوۆ - م. اۋەزوۆ ات. و ق م ۋ دوتسەنتى، تەحنيكالىق عىلىمداردىڭ كانديداتى. پرەميا ماگيسترالدى مۇناي قۇبىرلارىن داتتان قورعاۋ ءۇشىن جاسالعان زەرتتەمەسى ءۇشىن؛

- ەللينا مۋن - ر ق ب ع م ع ك بيوتەحنولوگيا ۇلتتىق ورتالىعىنىڭ جەتەكشى عىلىمي قىزمەتكەرى، PhD دوكتور. پرەميا ونكولوگيالىق دەرتتەردىڭ تەراپياسىندا قولدانىلاتىن ءدارى- دارمەكتەردى وتاندىق بىرەگەي نانوجۇيەلىك ۆەزيكۋليارلىق تۇردە جەتكىزۋگە ارنالعان زەرتتەمەسى ءۇشىن؛

 - نۇربەك ءنادىروۆ - انا مەن بالا ۇلتتىق عىلىمي ورتالىعى «UMC» كق تراۆماتولوگ- دارىگەرى، ورتوپەد، PhD دوكتور. پرەميا بالالاردىڭ ومىرتقاسىنىڭ دەفورماتسياسىن جوندەۋگە ارنالعان مەتوديكانى ويلاپ تاپقانى ءۇشىن بەرىلدى.

مادەنيەت پەن ونەر سالاسىنداعى ۇزدىكتەر ءتىزىمى:

باۋىرجان اقتايەۆ - «استانا سازى» ەتنو- فولكلورلىق ءانسامبلىنىڭ كوركەمدىك جەتەكشىسى. باتىس قازاقستان وبلىسىندا ۇلتتىق مۋزىكا ونەرىنىڭ دامۋىنا قوسقان ۇلەسى ءۇشىن ماراپاتتالدى؛

 - دينا ميرمانوۆا - «Astana Musical» مەملەكەتتىك تەاترىنىڭ اككومپانياتور- كونسەرتمەيستەرى. ەلدىڭ قوعامدىق جانە مادەني ومىرىنە قوسقان ۇلەسى ءۇشىن، جوعارى كاسىبي شەبەرلىگى ءۇشىن جانە جوعارى شىعارماشىلىق بەلسەندىلىگى ءۇشىن ماراپاتتالدى؛

- ارمان جۇدەبايەۆ - قۇرمانعازى ات. قازاق ۇلتتىق كونسەرۆاتورياسىنىڭ رەكتورى، «ديريجەرلىك» كافەدراسىنىڭ اعا وقىتۋشىسى. قر مۋزىكا ونەرىنىڭ دامۋىنا قوسقان ۇلەسى ءۇشىن ماراپاتتالدى؛

 - ايزادا كاپونوۆا - «استانا وپەرا» مەملەكەتتىك وپەرا جانە بالەت تەاترى وپەرالىق ترۋپپاسىنىڭ سوليسى، «قۇرمەت» وردەنىنىڭ كاۆالەرى. قازاقستاننىڭ وپەرالىق ونەرى سالاسىنداعى جوعارى جەتىستىكتەرى جانە رەسپۋبليكاداعى مادەني ءومىردىڭ دامۋىنا قوسقان ۇلەسى ءۇشىن ماراپاتتالدى؛

- ايگۇل ازاتوۆا - تۇركىستان وبلىستىق وپەرا جانە بالەت تەاترىنىڭ سوليسى. تۇركىستان وبلىسىنداعى وپەرا ونەرىنىڭ دامۋىنا قوسقان ۇلەسى ءۇشىن ماراپاتتالدى؛

- ءابىلمانسۇر سەرىكوۆ - قۋانىشبايەۆ ات. مەملەكەتتىك اكادەميالىق قازاق مۋزىكالىق- دراما تەاترىنىڭ اكتەرى. تەاتردا قويىلعان سپەكتاكلدەردە باستى رولدەردى سومداعان ءۇشىن ماراپاتتالدى؛

- دينا بايتاسوۆا - «Artios» ديرەكتورى، «TSE Art Destination» زامانۋي ونەر گالەرەياسىنىڭ نەگىزىن قالاۋشى. قازاقستاننىڭ زامانۋي سۋرەت ونەرىنىڭ دامۋىنا قوسقان ۇلەسى ءۇشىن ماراپتتالدى؛

- اققالي زاكىروۆ، ەرجان تانايەۆ - «Tigrohaud crew» ارت- توبى. سىيلىق قازاقستان بويىنشا عيماراتتاردىڭ قاسبەتتى وزگەرتەتىن ارت- نىساندار سەرياسىن دايىنداعانى ءۇشىن تابىستالدى؛

- نيكيتا كاريەۆ - ش. ايمانوۆ ات. «قازاقفيلم» اق كومپوزيتور- مۋزىكانتى. وتاندىق كينەماتوگرافيانىڭ دامۋىنا قوسقان ۇلەسى ءۇشىن ماراپاتتالدى؛

 - داۋرەن مەركەيەۆ - «ك ت ك» ا ق باس ديرەكتورىنىڭ ورىنباسارى. الەۋمەتتىك جانە مادەني ماسەلەلەرگە ارنالعان بەينەروليكتەر مەن دەرەكتى فيلمدەردى دايىنداعانى ءۇشىن.