جانسەيىت تۇيمەبايەۆ جاڭا قىزمەتكە تاعايىندالدى
بۇل تۋرالى اقوردانىڭ رەسمي سايتىنا سىلتەمە جاساپ، قازاقپارات حابارلايدى.
جانسەيىت قانسەيىت ۇلى تۇيمەبايەۆ 1958 -جىلى وڭتۇستىك قازاقستان وبلىسىندا دۇنيەگە كەلگەن، فيلولوگيا عىلىمىنىڭ كانديداتى، پروفەسسور. قازاق مەملەكەتتىك ۋنيۆەرسيتەتىن، ماسكەۋ مەملەكەتتىك الەۋمەتتىك ۋنيۆەرسيتەتىنىڭ زان فاكۋلتەتىن بىتىرگەن.
1980-1993 -جىلدارى - قازاق مەملەكەتتىك ۋنيۆەرسيتەتىندە وقىتۋشى، دوتسەنت. 1993-1994 -جىلدارى - قازاقستان رەسپۋبليكاسى سىرتقى ىستەر مينيسترلىگىنىڭ ءبىرىنشى حاتشىسى، ءبولىم باستىعى. 1997-1999 -جىلدارى - قازاقستان رەسپۋبليكاسى پرەزيدەنتى پروتوكول قىزمەتىنىڭ باس ساراپشىسى،
قازاقستان رەسپۋبليكاسىنىڭ ىستانبۇل قالاسىنداعى باس كونسۋلى، 1999-2006 -جىلدارى - ق ر پرەزيدەنتى پروتوكولىنىڭ جەتەكشىسى، 2004-2006 -جىلدارى - قازاقستان رەسپۋبليكاسى پرەزيدەنتى پروتوكولىنىڭ جەتەكشىسى - قازاقستان رەسپۋبليكاسى پرەزيدەنتىنىڭ كەڭەسشىسى، 2006-2007 -جىلدارى - قازاقستان رەسپۋبليكاسىنىڭ ءبىلىم جانە عىلىم ءمينيسترى، 2007-2010 -جىلدارى رەسەي فەدەراتسياسىنداعى توتەنشە جانە وكىلەتتى ەلشىسى، 2010-2016 -جىلدارى قازاقستاننىڭ تۇركياداعى توتەنشە جانە وكىلەتتى ەلشىسى بولىپ قىزمەت اتقاردى. 2016 -جىلعى 6 - قازاندا وڭتۇستىك قازاقستان وبلىسىنىڭ اكىمى بولىپ تاعايىندالعان بولاتىن. وتكەن جىلى 20 - ماۋسىمدا قايتا قۇرىلعان تۇركىستان وبلىسىنا اكىم بولىپ تاعايىندالدى.
"قازاق ءتىلىنىڭ تاريحي گرامماتيكاسى"، "قازىرگى قازاق ءتىلىنىڭ لەكسيكولوگياسى"، "قازاق ءتىلى"، "قازاق ءتىلى: گرامماتيكالىق انىقتامالىق"، ت. ب. كىتاپتاردىڭ اۆتورى. "قۇرمەت" وردەنىمەن، مەدالدارمەن ماراپاتتالعان.
ايتا كەتۋ كەرەك، بۇگىن مەملەكەت باسشىسىنىڭ وكىمىمەن لەونيد اندرەيەۆيچ پروكوپەنكو باسقا جۇمىسقا اۋىسۋىنا بايلانىستى قازاقستان حالقى اسسامبلەياسى ءتوراعاسىنىڭ ورىنباسارى، قازاقستان رەسپۋبليكاسى پرەزيدەنتى اكىمشىلىگىنىڭ قازاقستان حالقى اسسامبلەياسى حاتشىلىعىنىڭ مەڭگەرۋشىسى قىزمەتىنەن بوساتىلدى.