رەسەيدە قازاقستاندىق ىرىمشىك قاۋىپتى دەپ تانىلدى

 استانا. قازاقپارات - قازاقستاندىق ىرىمشىكتىڭ ءىرى پارتياسى رەسەيدە الەۋەتتى قاۋىپتى دەپ تانىلدى. بۇل جونىندە قازتاگ پورتالى حابارلادى.

 «23-27 - اقپان ارالىعىندا ورىنبور وبلىسىنىڭ رەسەي اۋىل شارۋاشىلىق قاداعالاۋ باسقارماسى رەسەي ف ق ق شق قىزمەتكەرلەرىمەن بىرلەسىپ، اقبۇلاق اۋدانىنداعى «ساگارچين- اۆتوجول» ب ءو و مەن پەرۆوماي اۋدانىنداعى «ماشتاكوۆو» ق ب و اۋماعىندا رەسەي اۋماعىنا الەۋەتتى قاۋىپتى ىرىمشىكتى الىپ كىرۋ ارەكەتىنىڭ جولىن بوگەدى»، - دەپ جازىلعان قاداعالاۋ باسقارماسىنىڭ حابارلاماسىندا.

 رەسەيلىك ۆەدومستۆودا اتاپ وتكەندەي، ۆەتەرينارلىق باقىلاۋ جۇرگىزۋ بارىسىندا «كورول ارتۋر» ىرىمشىگى قازاقستاننان ماسكەۋگە اۆتوموبيلدىك كولىكپەن تاسىمالدانعان.

«8,5 توننادان استام بۇل ءونىمنىڭ قۇرامى ەپيزووتيكالىق قاۋىپسىزدىگىن راستايتىن ۆەتەرينارلىق سەرتيفيكاتى جوق. قىزمەت 8,5 توننا ىرىمشىكتى قازاقستانعا قايتارۋ تۋرالى شەشىم قابىلدادى. جۇك تاسىمالداۋشىلار ر ف ا ق ك 10.8-بابى بويىنشا اكىمشىلىك جاۋاپكەرشىلىككە تارتىلدى»، - دەدى باسقارمادا.