قاي قىزمەتشىلەردىڭ جالاقىسى وسەدى

 استانا. قازاقپارات - ق ر ۇلتتىق ەكونوميكا ءمينيسترى رۋسلان دالەنوۆ اكىمدىك قىزمەتكەرلەرىنىڭ جالاقىسىن كوتەرۋ ماسەلەسى بويىنشا بايانداما جاسادى.

پرەزيدەنتتىڭ تاپسىرماسى بويىنشا جەرگىلىكتى جەردە جالاقىسى تومەن اكىمدىك قىزمەتكەرلەرىنىڭ جالاقىسىن 25 پروتسەنتكە ارتتىرۋ قاجەت، دەپ حابارلايدى قازاقپارات ءتىلشىسى.

«اكىمشىلىك قىزمەتشىلەرىنىڭ جالاقىسىنا قاتىستى ايتار بولساق، اتالعان شارا 78 مىڭ مەملەكەتتىك قىزمەتشىگە قاتىستى بولادى. ولار - جەرگىلىكتى جەردە جۇمىس ىستەيتىن ماماندار. نەگىزىنەن، ساراپشىلار، جەتەكشى ماماندار جانە باس ماماندار. ورتاشا ەسەپپەن العاندا جالاقى 25 پروتسەنتكە وسەدى. مىسالى، ەگەر باس ماماننىڭ ورتاشا جالاقىسى 84 مىڭ تەڭگەنى قۇراسا، ەندى ول 100 مىڭ تەڭگە بولدى»، - دەدى ر. دالەنوۆ ۇكىمەتتىڭ بۇگىنگى وتىرىسىندا.

ءمينيستردىڭ سوزىنە قاراعاندا، اكىمدىك قىزمەتكەرلەرىنىڭ جالاقىسىن كوتەرۋگە قوسىمشا 76,5 ميلليارد تەڭگە قاجەت بولادى. سونىڭ ىشىندە 2019 - جىلدا 15,3 ميلليارد تەڭگە كەرەك.

ايتا كەتەيىك، كەشە «نۇر وتان» پارتياسىنىڭ XVIII سەزىندە ق ر پرەزيدەنتى ن. ءا. نازاربايەۆ اكىمدىك قىزمەتكەرلەرىنىڭ جالاقىسى 25 پروتسەنتكە كوتەرۋدى تاپسىردى.