USD 434.34 EUR 491.93
RUB 5.56 CNY 68.67
جاڭالىقتار

بەردىبەك ساپاربايەۆ كوپبالالى وتباسىلارعا جەر تەلىمىن بەرۋدى ۇسىندى

28 اقپان 16:26
:ءبولىسۋ
بەردىبەك ساپاربايەۆ كوپبالالى وتباسىلارعا جەر تەلىمىن بەرۋدى ۇسىندى

استانا. قازاقپارات - كوپبالالى وتباسىلارعا ءۇي سالىپ الۋى ءۇشىن جەر ۋچاسكەسىن ءبولۋ ماسەلەسىن قاراستىرۋ قاجەت.

بۇل تۋرالى بۇگىن ۇكىمەت وتىرىسىندا ق ر ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، مۇگەدەكتىگى بار بالالارعا جانە 18 جاستان اسقان، تۋا ءبىتتى ءبىرىنشى توپتاعى مۇگەدەكتەرگە كۇتىم جاساپ وتىرعان 100 مىڭ ازاماتتىڭ جاردەماقىسى 31183 مىڭ تەڭگەدەن 41578 مىڭ تەڭگەگە وسەدى.

«تولىق ەمەس كوپبالالى وتباسىلاردىڭ ۇيدە جۇمىس ىستەۋىنە جاعداي جاساۋ ءۇشىن اۋىلداعى كوپبالالى وتباسىلارعا گرانتتار مەن ميكروكرەديت بەرىلەدى. جالپى گرانتتار قارالعان. اۋىلداعى كوپبالالى وتباسىلاردى جۇمىسپەن قامتۋ، وتباسى بيزنەسىن اشۋ، تابىستارىن ارتتىرۋ ءۇشىن قايتارىلمايتىن 500 مىڭ تەڭگەدەن 20 ميلليون تەڭگەگە دەيىن جاڭا بيزنەس اشۋ ءۇشىن مەملەكەتتىك گرانتتار بەرىلەدى»، - دەدى ول.

ءمينيستردىڭ دەرەگىنشە، 2019 -جىلعا جوسپارلانعان ميكروكرەديتتەۋ اياسىندا 14 مىڭ ميكروكرەديتتىڭ 5 مىڭى اۋىلدىق جەرلەردەگى كوپبالالى انالار مەن مۇگەدەكتىگى بار ادامدار اراسىندا كاسىپكەرلىكتى دامىتۋعا جۇمسالادى. ناتيجەسىندە كوپبالالى 15 مىڭ وتباسى جەكە ىسىمەن اينالىسۋعا جانە تابىسىن ارتتىرۋعا مۇمكىندىك الادى.

كوپبالالى انالار مەن مۇگەدەك بالانى تاربيەلەپ وتىرعان انالاردى جۇمىسپەن قامتۋ جانە ءوزىن- ءوزى دامىتۋعا قولجەتىمدىلىكتى كەڭەيتۋ ءۇشىن سۇرانىسقا يە كاسىپتەرگە قىسقا مەرزىمدى وقىتۋلار ۇيىمداستىرىلادى.

«بۇنىڭ بارلىعى - ۇكىمەت تاراپىنان جاسالاتىن كومەكتەر. بۇل رەتتە سىزدەن سۇرايتىنىمىز - وڭىرلەردىڭ اكىمدەرىنە قوسىمشا تاپسىرما بەرسەڭىز. بىزدە كوپتەگەن كاسىپورىندار، كاسىپكەرلەر ناشار تۇراتىن، كوپبالالى وتباسىلارعا كومەكتەسەدى. ولار وزدەرىندە جۇمىس ىستەيتىن كوپبالالى وتباسىلارعا پاتەر جاعىنان كومەكتەسسە. ەكىنشىسى - جەر بەرۋ ماسەلەسى. كەزدەسكەن كەزدە ەستىگەنبىز. كوپبالالى انالار «بىزگە بەرسەڭىزدەر، پاتەرگە تولەپ وتىرعان اقشامىزدى سوعان جۇمساپ، ءۇي سالاتىن ەدىك» دەيدى. سونىمەن قاتار، باستاپقى جارنانىڭ جارتىسىن جەرگىلىكتى بيۋدجەتتەن الۋ تۋرالى دا ۇسىنىس بار»، - دەدى ب. ساپاربايەۆ.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات