USD 434.34 EUR 491.93
RUB 5.56 CNY 68.67
جاڭالىقتار

ق ر پرەزيدەنتى ەسەپ كوميتەتىنە جاڭا مىندەتتەر جۇكتەدى

28 اقپان 14:27
:ءبولىسۋ
ق ر پرەزيدەنتى ەسەپ كوميتەتىنە جاڭا مىندەتتەر جۇكتەدى

استانا. قازاقپارات - قازاقستان پرەزيدەنتى نۇرسۇلتان نازاربايەۆ رەسپۋبليكالىق بيۋجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ءتورايىمى ناتاليا گودۋنوۆانى قابىلدادى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

كەزدەسۋ بارىسىندا مەملەكەت باسشىسىنا ەسەپ كوميتەتىنىڭ 2018-جىلى اتقارعان جۇمىستارىنىڭ قورىتىندىسى تۋرالى باياندالدى.

نۇرسۇلتان نازاربايەۆ ەسەپ كوميتەتىنىڭ تاراپىنان بيۋجەت قاراجاتىنا ۇنەمى باقىلاۋ جۇرگىزىلىپ، ونىڭ ءتيىمدى يگەرىلۋىنە مۇقيات تالداۋ جاساۋدىڭ ماڭىزدىلىعىن اتاپ ءوتتى.

«ەسەپ كوميتەتىنىڭ نەگىزگى مىندەتى - مەملەكەتتىك بيۋجەتتىڭ ءتيىمدى جۇمسالۋىن قاداعالاۋ. باقىلاۋ ىسىنەن اۋديتكە كوشۋگە بايلانىستى سىزدەردىڭ الدارىڭىزدا جاڭا مىندەتتەر تۇر»، - دەدى ەلباسى.

ەسەپ كوميتەتىنىڭ ءتورايىمى رەسپۋبليكالىق بيۋجەتتىڭ ءتيىمدى جۇمسالۋىنا اۋديت جۇرگىزۋ بارىسى جانە وسى سالاداعى الەمدىك تاجىريبەنى زەرتتەۋ ناتيجەلەرى جونىندە مالىمدەدى.

«ءبىز تيىمدىلىك اۋديتىنە كوشۋ جۇمىستارىن جالعاستىرا بەرەمىز. بىلتىر جالپى سوماسى 430 ميلليارد تەڭگە كولەمىندە ءتارتىپ بۇزۋشىلىق جاسالعانى انىقتالدى. ەگەر بۋحگالتەرلىك ەسەپسىز ناقتى قارجىلىق ءتارتىپ بۇزۋشىلىقتى ەسەپتەسەك، ونىڭ مولشەرى 16 ميلليارد تەڭگەنى قۇراپ وتىر. بۇل كورسەتكىش 2017-جىلى 70 ميلليارد تەڭگە بولعان ەدى. وسىلايشا، قارجىلىق ءتارتىپتىڭ جاقسارا تۇسكەنى بايقالادى»، - دەدى ن. گودۋنوۆا.

ەسەپ كوميتەتىنىڭ ءتورايىمى مەملەكەتتىك جانە سالالىق باعدارلامالار بيۋجەتىنىڭ تيىمدىلىگىنە جۇرگىزىلگەن باعالاۋ ناتيجەلەرى جونىندە مالىمەت بەردى. سونداي-اق، جالپى ەكونوميكالىق جانە قارجىلىق جوسپارلاۋ ساپاسىن ارتتىرۋ ءۇشىن ۇكىمەتپەن بىرلەسىپ قابىلداعان شارالار تۋرالى باياندادى.

كەزدەسۋ سوڭىندا مەملەكەت باسشىسى ەسەپ كوميتەتىنە «نۇر وتان» پارتياسىنىڭ XVIII سەزىندە ايتىلعان الەۋمەتتىك باعدارلامالار مەن باستامالاردىڭ جۇزەگە اسىرىلۋىنا ءتيىستى باقىلاۋ جاساۋدى تاپسىردى.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات