ەلىمىزدەن قىتايعا اۋىلشارۋاشىلىق ونىمدەرىنىڭ ەكسپورتى ارتتى
وسىعان بايلانىستى قىتايدىڭ باس كەدەندىك باسقارماسىندا ارنايى كەلىسسوز وتكىزگەن. تاراپتار مال جانە وسىمدىك شارۋاشىلىعى ونىمدەرىن كورشىمىزگە ساتۋدىڭ جولدارىن قاراستىردى. بىلتىر شاڭحايدا وتكەن يمپورتتىق كورمەدە ەلىمىز اۋىل شارۋاشىلىعى سالاسىنىڭ 30 ءتۇرلى ءونىمىن ەكسپورتتاۋعا بايلانىستى كەلىسىم جاساعان. ونىڭ قاتارى بيىل تاعى 10 تاۋارمەن تولىعادى. سونىمەن بىرگە قىتاي ءىرى قارانىڭ نو- دۋلدى دەرماتيت ىندەتى بويىنشا شەكتەۋدى الىپ تاستادى.
قازىر اۋىل شارۋاشىلىعى مينيسترلىگى كورشى ەلمەن سيىر ەتىنىڭ ۆەتەرينارلىق سەرتيفيكاتىن زاڭداستىرىپ جاتىر. ناتيجەسىندە قازاقستاندىق كاسىپورىندار قىتاي نارىعىنا ءىرى قارا ەتىن ەكسپورتتاۋعا مۇمكىندىك الادى. بۇعان دەيىن وتاندىق 5 كاسىپورىن قىتاي اۋماعىنا قوي ەتىن ساتاتىن رۇقساتقا يە بولعان. بۇدان بولەك قازاقستان قىتاي نارىعىنىڭ تالاپتارى بويىنشا مالدى تىرىدەي ساتۋدىڭ مۇمكىندىكتەرىن دە قاراستىرىپ جاتىر. قازىر ەكى ەلدىڭ شەكاراسىندا وسىعان وراي سەرتيفيكاتتالعان كارانتيندىك الاڭدار سالىنىپ قويدى. كەلىسسوز بارىسىندا وتاندىق ءسۇت ونىمدەرىن ەكسپورتتاۋ ماسەلەسى دە ءسوز بولدى. قىتاي تاراپى قازاقستاندىق تۇيەنىڭ قۇرعاق سۇتىنە قىزىعۋشىلىق تانىتىپ وتىر.
گۇلميرا يسايەۆا، ق ر اۋىل شارۋاشىلىعى ۆيتسە- ءمينيسترى:
- ءبىز بۇل ءونىمدى قازىر قىتاي ستاندارتى بويىنشا تىركەتىپ جاتىرمىز. تۇيە ءسۇتى قىتاي ءۇشىن تىڭ ءونىم. ول تاعام رەتىندە عانا ەمەس، ەڭ باستىسى ديابەتتىڭ الدىن الۋداعى شيپالىق قاسيەتى بار ءونىم رەتىندە تۇتىنىلادى. سوندىقتان قىتايلىقتار ءۇشىن ول تاعام دا، شيپا دا بولماق.