12:40, 28 - اقپان 2019 | GMT +6
يزرايل عالىمدارى تەرىنىڭ جاراقاتىن تەز جازاتىن سپرەي ويلاپ تاپتى
استانا. قازاقپارات - يزرايل عالىمدارى تەرىنى قالپىنا كەلتىرەتىن سپرەي ويلاپ تاپتى. ونىڭ كومەگىمەن كۇيىك پەن زاقىمدانعان تەرىنى اۋىرتپالىقسىز ەمدەۋگە بولادى.
سونىمەن قاتار سپرەي اۋرۋدى باسەڭدەتىپ، جارانىڭ جىلدام جازىلۋىنا مۇمكىندىك بەرەدى. قازىرگى تاڭدا عالىمداردىڭ جاڭالىعى سىناقتان ءوتۋ ءۇشىن يزرايل مەن ەۋروپا ەلدەرىنىڭ اۋرۋحانالارىنا جىبەرىلدى.
جوبا اۆتورلارىنىڭ ايتۋىنشا، مەديتسينالىق سپرەي 2019 -جىلدىڭ ورتاسىندا ءىس جۇزىندە كەڭىنەن پايدالانىلىپ، نارىققا شىعادى دەگەن جوسپار بار.
يوزەف حايك، ۇلتتىق كۇيىك ورتالىعىنىڭ ديرەكتورى:
- ءبىز سپرەي ارقىلى جارانى تيىسپەي تاڭعىش تارتامىز. ناۋقاس كەيدە نە ىستەپ جاتقانىمىزدى دا سەزبەي قالادى. تەك ەم اياقتالۋعا جاقىن قالعاندا عانا تەرىدەگى وتە جۇقا قاباتتى بايقاۋى مۇمكىن. زاقىمدانعان جەرلەردى جابۋ ارقىلى ءبىز اۋىرتپالىقتى ازايتىپ، ەمنىڭ تيىمدىلىگىن ارتتىرامىز.