شەت ەلدە وتىزىنشى قازاقستان ادەبيەتى جانە مادەنيەتىنىڭ ورتالىعى اشىلدى
بۇل وسىمەن وتىزىنشى ورتالىق بولىپ وتىر، دەپ حابارلايدى قازاقپارات.
«بۇل جوبادا كىتاپحانالىق جانە اقپاراتتىق قىزمەتتەر، ەلەكتروندى رەسۋرستار مەن ساندىق كىتاپحانانى دامىتۋ، قولجازبا قۇجاتتارىن ساندىقتاۋ، رەسۋرستارمەن الماستىرۋ، ءارتۇرلى كوزدەردى جانە باسقا دا مامانداندىرىلعان سالالاردى قالپىنا كەلتىرۋ، ساتىپ الۋ، كاتالوگتاۋ، ساقتاۋ جانە قالپىنا كەلتىرۋ سياقتى تاجىريبەلەر الماسادى. قولجازبالاردى، باسپا جانە ادەبيەت ەمەس اقپارات كوزدەرىن جانە جاڭا باسىلىمداردىڭ قول جەتىمدى ماتەريالدارىن قوسا العاندا، كىتاپحانا رەسۋرستارىنىڭ ءتىزىمىن الماستىرۋعا جاعداي جاسالادى»، - دەلىنگەن حابارلامادا.
سونداي-اق، حالىقارالىق جوبانىڭ ماقساتى - قازاق حالقىنىڭ تاريحى مەن مادەنيەتىن، سالت-داستۇرلەرىن، ەكونوميكانىڭ قازىرگى زامانعى مەملەكەتىنىڭ جەتىستىكتەرىن، ساياساتتى، الەۋمەتتىك سالانى، كلاسسيكالىق جانە زاماناۋي پروزا مەن پوەزيانىڭ ادەبي بايلىعىن دامىتۋ.
ورتالىقتا قازاقستان رەسپۋبليكاسىنىڭ پرەزيدەنتى ن. نازاربايەۆتىڭ قىزمەتى تۋرالى، ونىڭ حالىقارالىق ساياسي ارەناداعى ءرولى، سونداي-اق بەلگىلى قازاق جازۋشىلارى قازاق، ورىس جانە اعىلشىن تىلدەرىندەگى ەڭبەكتەرى تۋرالى باياندالادى. بارلىعى 200 دەن استام كىتاپ كىتاپحاناعا سىيعا تارتىلادى. ارينە، بۇل كىتاپتار وقىرمانداردىڭ قىزىعۋشىلىعىن تۋدىرادى جانە قازاق حالقىنىڭ مادەني قۇندىلىقتارىنا جاقىنداۋعا ۇمتىلادى.
2016-جىلدان باستاپ قازاقستاننىڭ ۇلتتىق اكادەميالىق كىتاپحاناسى شەت ەلدەردىڭ ۇلتتىق كىتاپحانالارىندا قازاق ادەبيەتى ورتالىقتارىنىڭ اشىلۋىنا ارنالعان حالىقارالىق جوبانى جۇزەگە اسىرۋدا.
بۇگىنگى تاڭدا الەمنىڭ 29 ەلىندە كورەيا، قىرعىز رەسپۋبليكاسى، فينليانديا، ماجارستان، رەسەي فەدەراتسياسى، ارمەنيا، مالايزيا، تۇركيا، قىتاي حالىق رەسپۋبليكاسى، گرۋزيا، فرانسيا، جاپونيا، شۆەتسيا، ماكەدونيا، بولگاريا، چەحيا، يتاليا، ا ق ش (نيۋ-يورك كوپشىلىك كىتاپحاناسى جانە كونگرەسس كىتاپحاناسى) ياكۋتيا رەسپۋبليكاسى، چۋۆاش رەسپۋبليكاسى، رۋمىنيا، يران، ارگەنتينا، برازيليا، ۋدمۋرتيا، گەرمانيا، يسپانيا كىتاپحانالارىندا ورتالىقتار اشىلىپ، جۇمىس ىستەيدى.
ءىس-شارانىڭ اشىلۋ سالتاناتىنا م. ۆ. شيەۆالكوۆ اتىنداعى ۇلتتىق كىتاپحانانىڭ ديرەكتورى شتانكوۆا سۆەتلانا كيموۆنا، استانا قالاسىنداعى ق ر ۇلتتىق اكادەميالىق كىتاپحاناسىنىڭ ورىنباسارى جانسۇلۋ مۇقاتايەۆا، التاي رەسپۋبليكاسى ەل قۇرىلتاي مەملەكەتتىك جينالىس كوميتەتىنىڭ وكىلدەرى، ج و و ستۋدەنتتەرى، قازاق دياسپوراسى مەن ب ا ق وكىلدەرى جانە ت. ب. قاتىستى.