USD 434.34 EUR 491.93
RUB 5.56 CNY 68.67
جاڭالىقتار

پرەزيدەنتتىڭ باستامالارى ءاربىرىمىزدىڭ جاعدايىمىزدى جاقسارتۋعا باعىتتالعان - پىكىر

28 اقپان 11:14
:ءبولىسۋ
پرەزيدەنتتىڭ باستامالارى ءاربىرىمىزدىڭ جاعدايىمىزدى جاقسارتۋعا باعىتتالعان - پىكىر

قاراعاندى. قازاقپارات - قاراعاندى وبلىسى وساكاروۆ اۋدانى «ريابينا» ەتنومادەني بىرلەستىگىنىڭ جەتەكشىسى ۆلاديمير كوشيەۆەتس «نۇر وتان» پارتياسىنىڭ كەزەكتى سەزىندە مەملەكەت باسشىسى جاريالاعان الەۋمەتتىك باستامالار جايلى پىكىر ءبىلدىردى، دەپ حابارلايدى قازاقپارات ءتىلشىسى.

«ەتنومادەني بىرلەستىكتىڭ وكىلى رەتىندە «نۇر وتان» پارتياسىنىڭ XVIII سەزىندە مەملەكەت باسشىسى جاريالاعان باستامالار الەۋمەتتىك ساياساتتى تابىستى تۇردە العا جەتەلەيتىن فاكتور بولادى. البەتتە، جۇيەلى جۇمىس الەۋمەتتىك ەمەس، وزگە دە سالالاردى قامتيتىنى انىق»، - دەيدى ەتنومادەني بىرلەستىكتىڭ جەتەكشىسى.

ۆلاديمير كوشيەۆەتستىڭ ايتۋىنا قاراعاندا، بۇگىن حالىق ەلباسىنىڭ اۋزىنان تازا اۋىز سۋ مەن گازداندىرۋ سەكىلدى يگى ىستەردى ەستىگەنىن اتاپ ءوتتى.

«جىل سايىن ساپالى ينفراقۇرىلىمنىڭ وسىمىنە كۋا بولىپ كەلەمىز. ءتىپتى الىس ايماقتارداعى جولدار جوندەلۋ ۇستىندە. البەتتە، بارىنەن بۇرىن كوپبالالى جانە از قامتىلعان وتباسىلاردى قولداۋ باعىتىنداعى پرەزيدەنتتىڭ باستامالارى ەرەكشە قۋانتقانى انىق. تۇرعىن ءۇي بويىنشا 2-3 پايىزبەن عانا قارىز بەرۋ - ۇلكەن كومەك بولارى انىق. كوپبالالى وتباسىلاردا ءاربىر بالانىڭ تولەماقىسىن 21 مىڭ تەڭگەگە دەيىن ارتتىرۋدىڭ ماڭىزى زور. وسىناۋ باستامالاردىڭ ءبارى دە قازاقستانداعى ءاربىر وتباسىنىڭ، ءاربىرىمىزدىڭ جاعدايىمىزدى جاقسارتۋعا باعىتتالعان»، - دەيدى ۆلاديمير كوشيەۆەتس.

ايتا كەتسەك، بۇگىن ەلورداداعى تاۋەلسىزدىك سارايىندا ەلباسى نۇرسۇلتان نازاربايەۆتىڭ توراعالىعىمەن «نۇر وتان» پارتياسىنىڭ كەزەكتى XVIII سەزى ءوتتى. جيىندا مەملەكەت باسشىسى حالىقتى قولداۋعا ارنالعان ءبىرشاما الەۋمەتتىك باستامالار تۋرالى ءسوز قوزعاعان بولاتىن.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات