USD 434.34 EUR 491.93
RUB 5.56 CNY 68.67
جاڭالىقتار

پاكىستان ءۇندىستاننىڭ ەكى اسكەري ۇشاعىن اتىپ ءتۇسىردى

28 اقپان 09:36
:ءبولىسۋ
پاكىستان ءۇندىستاننىڭ ەكى اسكەري ۇشاعىن اتىپ ءتۇسىردى

استانا. قازاقپارات - 27 - اقپاندا پاكىستان ءۇندىستاننىڭ اسكەري اۋە كۇشتەرىنىڭ ەكى ۇشاعىن اتىپ تۇسىرگەنىن حابارلادى. پاكىستان بيلىگى مۇنى وزدەرىنىڭ اۋە كەڭىستىگىنە باسىپ كىرگەن ءۇندىستان اسكەري كۇشىنە بەرگەن جاۋابى ەكەنىن ايتتى.

پاكىستان سىرتقى ىستەر مينيسترلىگىنىڭ 27 - اقپانداعى حابارلاماسىندا پاكىستان اۋە كۇشتەرى كاشميردىڭ ءۇندىستانعا تيەسىلى ايماعىنداعى ەكى ۇشاقتى اتىپ تۇسىرگەنىن، ءبىر پيلوتتى قاماۋعا العانى ايتىلعان. ءۇندىستان ازىرگە مالىمدەمە جاساعان جوق.

ەستەرىڭىزگە سالا كەتەيىك، ءبىر كۇن بۇرىن، 26 - اقپاندا ءۇندىستان كاشميردەگى اسكەري لاگەرگە اۋەدەن سوققى جاساعانىن حابارلاعان. وندا ءۇندىستاننىڭ «ميراج» 2000 اتتى 12 جويعىش ۇشاعى «دجايش- ە- مۋحامماد» لاڭكەستىك ۇيىمىنىڭ جاتتىعۋ لاگەرىنە سوققى جاساعان. ۇشاقتاردىڭ ءارقايسىسى ءبىر توننالىق بىرنەشە جارىلعىشتى كوكتەن تاستاعان. سالدارىنان لاگەردىڭ كۇلى كوكە ۇشتى. قازا تاپقانداردىڭ سانى بەلگىسىز. ال نيۋ- يورك تايمس باسپاسىنىڭ مالىمەتىنشە جويقىن جارىلىستان 300 سودىر كوز جۇمعان. ىلە- شالا ءۇندىستان تاراپى سوققى جاساۋىنىڭ سەبەبىن ءتۇسىندىردى.

ءۇندىستاننىڭ مۇنداي قادامعا بارۋىنا 14 - اقپان كۇنى بولعان قاندى تەراكت سەبەپ بولدى. پۋلۆاما وڭىرىندە اديل احمەد دار ەسىمدى 22 جاستاعى تەرروريست- جانكەشتى ورتالىق رەزەرۆتى پوليتسيا قىزمەتكەرلەرىن اكەلە جاتقان اۆتوبۋسقا كەلىپ سوقتىعىسىپ، تاقىمداعان كولىگىن جارىپ جىبەرگەن ەدى. سالدارىنان ءۇندىنىڭ 46 اسكەريى قازا تاپتى. لاڭكەستىك ارەكەتتى «دجايش- ە- مۋحامماد» ۇيىمى ءوز موينىنا الدى.

كاشمير - ءۇندىستان مەن پاكىستان اراسىنداعى داۋلى ايماق. 1947 -جىلى ءۇندىستان مەن پاكىستان ۇلى بريتانيادان تاۋەلسىزدىك العان. سول ۋاقىتتا حالقىنىڭ 70 پايىزىن مۇسىلماندار قۇرايتىن كاشمير ايماعىنىڭ ماحارادجاسى (جەرگىلىكتى باسقارۋشى) حاري سينگح ءۇندىستانعا قوسىلۋ تۋرالى شەشىم قابىلداعان. وسى شەشىمنەن كەيىن 1947 -جىلى كاشميردە پاكىستان مەن ءۇندىستان اراسىندا سوعىس باستالىپ، ەكى جىلدان كەيىن - 1949 -جىلى ب ۇ ۇ بۇل ايماقتى ءۇندىستان مەن پاكىستانعا ءبولىپ بەرگەن.

1965 -جىلى تامىز- قىركۇيەكتە كاشمير شەكاراسىندا ەكى ەل اراسىندا ەكىنشى رەت سوعىس باستالدى. بۇل سوعىسقا دا ب ۇ ۇ ارالاسىپ، قاقتىعىس توقتاعان.

www.azattyq.org


#الةم  
:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات