بالىق مايىنىڭ پايداسى

استانا. قازاقپارات - تاڭدانارلىق نارسە، ءبىراق مەديتسينا سالاسىنداعى ىلگەرىلەۋ مەن كوپتەگەن جاڭالىقتاردىڭ اشىلىپ جاتقانىنا قاراماستان ءنالىم باۋىرىنان جاسالاتىن سول باياعى ءوزىمىزدىڭ بالىق مايى دەنساۋلىعىمىزدى جاقسارتۋدىڭ جانە ءومىر جاسىمىزدى ۇزارتۋدىڭ تاپتىرمايتىن داۋاسى بولىپ وتىر.

دەگەنمەن دە، جاڭادان شىعىپ جاتقان قازىرگى تەحنولوگيالار قاجەتىمىزگە جارادى دەپ ايتساق تا بولادى. ويتكەنى بالىق مايىن قاقالىپ-شاشالىپ تۋرا قاسىقتان ءىشۋدىڭ قاجەتى جوق، جاي ءدامسىز كاپسۋلالاردى ساتىپ الساڭىز بولعانى.

سونىمەن بالىق مايىنىڭ پايداسى قانداي؟

بالىق مايى، اسىرەسە، بالالار ءۇشىن پايدالى A جانە D دارۋمەندەرىنە باي، سۇيەكتىڭ، ءتىستىڭ، شاشتىڭ ساۋلىعىن جانە يممۋندىق جۇيەنى ساقتايدى.

مەشەل اۋرۋىنىڭ الدىن الادى.

جۇقپالى اۋرۋلاردان قورعايدى.

تەرىنىڭ توزۋىنا جول بەرمەيتىن ءمىنسىز انتيوكسيدانت بولىپ تابىلادى.

قۇرامىندا قابىنۋعا قارسى قاسيەتتەرى بار، ميدىڭ جۇمىسىن جاقسارتاتىن، كۇيزەلىستى ازايتاتىن جانە ارتريتتىڭ بەلگىلەرى مەن دەمىكپەنىڭ اعىنىن جەڭىلدەتەتىن ومەگا-3 مايلى قىشقىلدارى بار.

جابىعۋعا قارسىلاساتىن قاسيەتتەرى بار جانە جۇرەك-تامىر جۇيەسى ءۇشىن پايدالى.

بالىق مايى بارلىعىنا دەرلىك پايدالى -  بالىق مايىنىڭ قارسى كورسەتىلىمدەرى مەن زيانى جوق دەسە بولادى. دارىگەرلەر ونى اسىرەسە اعزامىز قورعاۋدى كوبىرەك قاجەت ەتەتىن قىس مەزگىلىندە قابىلداعان دۇرىس دەپ كەڭەس بەرەدى. بۇل ءدارىنىڭ ستاندارتتى مولشەرلەمەسى: تاماقپەن بىرگە ءبىر كاپسۋلادان كۇنىنە ءۇش رەت.

دەندەرىڭىز ساۋ بولسىن!

«Reactor»