شاشتى جىلدام وسىرەتىن ماسكا
ماسكانىڭ جاسالۋى وتە وڭاي، نەگىزىندە قىشا (گورچيتسا) جاتقاندىقتان، ول باس تەرىسىن قىزدىرىپ، شاشتىڭ تۇيىنىندە قان جۇگىرتەدى.
ول ءۇشىن:
2 اس قاسىق قۇرعاق قىشا ۇنتاعىن (دامدەۋىشتەر بولىمىندە ساتىلادى) ىستىق سۋمەن ارالاستىرامىز؛
2 ۇلكەن قاسىق ىستىق سۋ؛
1 جۇمىرتقانىڭ سارىسى؛
2 اس قاسىق ءزايتۇن مايىن (نەمەسە كەز كەلگەن كوسمەتيكالىق ماي)
2 شاي قاسىق قانت (قانت كوپ قوسقان سايىن، قىشا قىزدىرا تۇسپەك)
وسى قوسپانى شاشتىڭ اراسىنا، باستىڭ تەرىسىنە جاعىڭىز، شاشتاردىڭ تۇبىنە تيگىزبەۋگە تىرىسىڭىز، اسىرەسە قۇرعاق تۇپتەرگە (ءتيىمدى اسەر ەتۋ ءۇشىن شاشتىڭ قۇرعاق تۇپتەرىنە ىسىتىلعان كوسمەتيكالىق ماي جاقساڭىز بولادى). باسىڭىزدى تسەللوفانمەن نەمەسە پاكەتپەن وراپ، ۇستىنەن ورامال، نە جىلى باس كيىم كيىپ الىڭىز.
15 مينۋتتان 1 ساعاتقا دەيىن ۇستاۋ كەرەك. ءبارى ءسىزدىڭ شىدامدىلىعىڭىزعا بايلانىستى، ەگەر قىزعانعا شىداساڭىز، 1 ساعاتقا دەيىن ۇستاۋعا بولادى. ال ەگەر تىپتەن باسىڭىز «ورتەنىپ» بارا جاتسا، 15-20 مينۋت ۇستاڭىز.
نازار اۋدارىڭىز! ءبىرىنشى رەت جاققاندا مىندەتتى تۇردە 15 مينۋت ۇستاۋ كەرەك، تىپتەن شىداماي بارا جاتساڭىز دا. 15 مينۋتتا باسىڭىزدىڭ تەرىسىنە دە، شاشىڭىزعا دا ەشتەڭە بولمايدى (كوپ رەت تەكسەرىلگەن)، ال كەيىن ۇيرەنگەن سوڭ جارتى ساعات، ءبىر ساعات وتىرا الاتىن بولاسىز.
ماسكانى اپتاسىنا 1 رەت، ەگەر مايلى شاش بولسا كوپ دەگەندە 2 رەت جاساۋ كەرەك (تەرىنىڭ مايلىلىعىن ءسال باسادى).
ماسكانى جىلى سۋمەن جۋىپ، كەيىن سۋسابىنمەن شايىڭىز. جاقسى اسەر ەتۋ ءۇشىن كەز كەلگەن بالزام قولدانساڭىز بولادى نەمەسە شاش ءوسىرۋدى تەزدەتەتىن دايىن بالزامداردى جاعىڭىز.
ەگەر شاشىڭىز تەزىرەك ۇزىن بولسىن دەسەڭىز، ماسكانى تىم قۇرىعاندا 1 اي بويى جاساڭىز. قىشا ماسكاسى شاشتى تەز وسىرۋگە ىقپال ەتىپ قانا قويماي، قاتايتىپ، كولەم بەرىپ، قالىڭداتادى. سونىمەن قاتار تەز مايلاناتىن شاشتاردىڭ ماسەلەسىن شەشەدى، شاش تەز كىرلەمەيتىن بولادى. شاشتىڭ قۇرعاق ءتۇبى مەن بويالعان شاشتاردى مىندەتتى تۇردە قىزدىرىلعان كوسمەتيكالىق مايمەن مايلاڭىز نەمەسە ارنايى سونداي ماسكا ساتىپ الىڭىز.
مۇنداي ماسكانىڭ اسەرىنەن كوپتەگەن تاز ەركەكتەردىڭ شاشتارى شىعىپ، قالىڭداعانى بايقالعان. وسى عاجايىپ ماسكانى ءسىز دە پايدالانىپ كورىڭىز.
«Reactor»