USD 434.34 EUR 491.93
RUB 5.56 CNY 68.67
جاڭالىقتار

ۋفا باسشىسى «قازاق مەسسيىنىڭ» بولاشاعى تۋرالى ايتتى

28 اقپان 07:52
:ءبولىسۋ
ۋفا باسشىسى «قازاق مەسسيىنىڭ» بولاشاعى تۋرالى ايتتى

استانا. قازاقپارات - «ۋفانىڭ» باس ديرەكتورى شاميل گازيزوۆ كوماندانىڭ شابۋىلشىسى ەركەبۇلان سەيداحمەتتىڭ ينستاگرامداعى قوشتاسۋ جازباسىنا قاتىستى پىكىر ءبىلدىردى، دەپ حابارلايدى قازاقپارات Sports.kz سايتىنا سىلتەمە جاساپ.

«سەيداحمەتتىڭ «ۋفادان» كەتۋىنە قاتىستى اڭگىمەگە نەگىز بار. ەرتەڭ بۇل تۋرالى جاريالاۋعا تىرىسامىز. ەگەر بارلىعى ويداعىداي وتسە، ول باسقا كلۋبقا اۋىسۋى مۇمكىن»، - دەدى عازيزوۆ.

ونىڭ سوزىنشە، بۇل ترانسفەر ەمەس، ارەندا بولۋى ىقتيمال.

دەگەنمەن، «ۋفانىڭ» باس ديرەكتورى سەيداحمەت بارۋى مۇمكىن كلۋبتىڭ دا، ەلدىڭ دە اتىن اتامادى.

«سەيداحمەتكە قازاقستان عانا ەمەس، وزگە ەلدەر دە قىزىعۋشىلىق ءبىلدىرىپ وتىر»، - دەدى ول.

ايتا كەتەيىك، قازاقستان چەمپيوناتىندا ترانسفەرلىك تەرەزە 3- ساۋىرگە دەيىن اشىق.

ەۋروپالىق وزگە چەمپيوناتتارعا كەلسەك، قىسقى تىركەۋ كەزەڭى، سونداي-اق بولگاريادا (28- اقپان)، ۋكراينادا (1- ناۋرىزعا دەيىن)، لاتۆيادا (1- ناۋرىز)، نورۆەگيادا (1- ءساۋىر)، شۆەتسيادا (4- ءساۋىر) اياقتالعان جوق. ال مىقتى ازيالىق چەمپيوناتتار اراسىندا ترانسفەرلىك تەرەزە قىتايدا، وڭتۇستىك كورەيادا جانە جاپونيادا اشىق.

ەسكە سالايىق، بۇعان دەيىن «قازاق مەسسيى» اتانىپ كەتكەن ەركەبۇلان سەيداحمەت الماتىعا كەلىپ، الەۋمەتتىك جەلى ارقىلى «ۋفامەن» قوشتاسقان بولاتىن. ول ينستاگرامدا: «راحمەت، «ۋفا»!»، - دەپ جازىپ كوماندانىڭ فوتوسىن ورنالاستىردى.

سونداي-اق وسىعان دەيىن قازاقستاندىق سپورتشى «ورداباسى» كومانداسىنا اۋىسۋى مۇمكىن ەكەنى حابارلانعان بولاتىن. ءتىپتى تاراپتار كەلىسىمگە كەلىپ قويدى دەلىنگەن ەدى. ءبىراق كەيىن انىقتالعانداي، «ۋفا» باسشىلىعى بۇل شەشىمىنەن باس تارتتى. شىمكەنتتىك كلۋبتىڭ مەنەدجەرلەرى بولاشاعىنان زور ءۇمىت كۇتتىرەتىن فۋتبولشىنى ءوز قاتارىنا قوسۋ ءۇشىن بار كۇشىن سالعان. الايدا، «ۋفا» باسشىلارىنا سەيداحمەتكە قاتىستى جاڭا، بۇدان دا ءتيىمدى ۇسىنىستار تۇسكەن.

ونىڭ قانداي ۇسىنىس ەكەنى ول كەزدە دە ايتىلمادى.

ەركەبۇلان «تارازدان» «ۋفاعا» 2018-جىلدىڭ اقپانىندا اۋىسقان بولاتىن. 2018/19 ماۋسىمىندا «ۋفانىڭ» نەگىزگى كومانداسى قۇرامىندا ەكى ماتچ وتكىزدى. بۇل رەتتە، ناتيجەلى گولدارمەن ەرەكشەلەنگەن جوق.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات