USD 434.34 EUR 491.93
RUB 5.56 CNY 68.67
جاڭالىقتار

جاڭا الەۋمەتتىك دوكترينا زاڭ جۇزىندە قامتاماسىز ەتىلەتىن بولادى - توقايەۆ

28 اقپان 07:31
:ءبولىسۋ
جاڭا الەۋمەتتىك دوكترينا زاڭ جۇزىندە قامتاماسىز ەتىلەتىن بولادى - توقايەۆ

استانا. قازاقپارات - ق ر پارلامەنتى سەناتىنىڭ ءتوراعاسى قاسىم-جومارت توقايەۆ تۆيتتەر الەۋمەتتىك جەلىسىندە «نۇر وتان» حالىقتىق-دەموكراتيالىق پارتياسىنىڭ XVIII سەزىنىڭ تاريحي شەشىمدەرىنەن تۋىنداعان مىندەتتەر تۋرالى پىكىرىن ءبىلدىردى، دەپ حابارلايدى قازاقپارات.

«نۇر وتان» پارتياسىنىڭ سەزىندە پرەزيدەنت ن. نازاربايەۆ ازاماتتاردىڭ لايىقتى ءومىر ءسۇرۋ دەڭگەيىنە قول جەتكىزۋدى نەگىزگى باسىمدىق رەتىندە اتادى. پارلامەنت سەناتى ەلباسىنىڭ جاڭا الەۋمەتتىك دوكتريناسىن زاڭ جۇزىندە قولداۋدى قامتاماسىز ەتەتىن بولادى»، - دەپ جازدى ول.

سونداي-اق ق. توقايەۆ مەملەكەت 2019-2021-جىلدارى نەگىزگى الەۋمەتتىك مىندەتتەردى شەشۋ ءۇشىن بيۋجەتتەن 2,3 تريلليون تەڭگەدەن استام قارجىنى قوسىمشا بولەتىنىن اتاپ ءوتتى.

«قازىرگى دۇنيەدەگى مەملەكەتتەردىڭ ىشىندە حالقىنىڭ سانىنا قاراي تابىسى از ازاماتتارعا وسىنداي اۋقىمدى الەۋمەتتىك كومەك كورسەتەتىن ەلدەر از»، - دەدى سەنات ءتوراعاسى.

سونداي-اق جوعارعى پالاتا باسشىسى: «ن. نازاربايەۆتىڭ الەۋمەتتىك دوكتريناسى قازاق مەملەكەتتىلىگىنىڭ جاڭا بەتىن اشادى، ەلدىڭ دامۋىنا قۋاتتى يمپۋلس بەرەدى، ب ۇ ۇ تۇراقتى دامۋ ماقساتتارىنا قول جەتكىزۋدە اۋقىمدى ۇلەس قوسادى، ۇلتتىڭ بىرلىگىن نىعايتىپ، ونىڭ الداعى كۇنگە سەنىمىن ارتتىرادى! العا، قازاقستان!»، - دەپ جازدى.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات