USD 434.34 EUR 491.93
RUB 5.56 CNY 68.67
جاڭالىقتار

تابيعي ءىنجۋدى قالاي تانيمىز؟

27 اقپان 22:32
:ءبولىسۋ
تابيعي ءىنجۋدى قالاي تانيمىز؟

استانا. قازاقپارات - ءىنجۋ تاستان جاسالعان اشەكەي - ساننەن كەتپەيتىن ماڭگى ترەند. كەيدە جاساندى ءىنجۋ تاستىڭ تابيعي ەكەندىگىن ايتىپ، قىمباتىراق ساتاتىن جەرلەر كەزدەسەدى.

الدانىپ قالماس ءۇشىن تابيعي ءىنجۋ تاستى انىقتاۋ جولدارىن ءبىلىپ ءجۇرىڭىز.

1-كەڭەس. تابيعي ءىنجۋدىڭ بەتى تەگىس ەمەس، بۇدىرلى بولىپ كەلەدى. ەگەر تاستى تىسىڭىزگە قىسىپ كورسەڭىز، جاساندى تاس وڭاي جىلجىپ كەتە بەرەدى، ال تابيعي ءىنجۋ جىلجىمايدى.

2-كەڭەس. شىن ءىنجۋ تاستار ءبىر- بىرىنەن بارلىق پارامەتر بويىنشا ەرەكشەلەنەدى. ياعني، ءتۇسى، ولشەمى جانە ءپىشىنى ءبىر- بىرىنە ۇقسامايتىن بولادى. جاساندى جولمەن الىنعان ىنجۋلەر بىردەي بولادى.

3-كەڭەس. ءىنجۋدىڭ تابيعيلىعىن انىقتايتىن تاعى ءبىر ءادىس - ۇيكەلەۋ. ەكى ءىنجۋدى ءبىر- بىرىنە ۇيكەلەپ قاراڭىز. بۇل پروتسەستەن ۇساق شاڭ شىقتى ما؟ سونىمەن قاتار، تابيعي ءىنجۋدى سۋلاعاندا ۇيكەلىستەن قالعان ءىز تولىقتاي كەتەدى.

4-كەڭەس. ءىنجۋدى تىرناق ەگەۋىشىمەن دە تەكسەرۋگە بولادى. مونشاقتى تىرناق ەگەۋىشىمەن ۋقالاڭىز، ەگەر بەتكى قاباتى كەتە باستاسا، ونىڭ جالعان بولعانى. ال ەگەر مونشاقتىڭ بەتكى قاباتى ءبۇتىن جانە زاقىمدالماعان بولسا، ونىڭ تابيعي ءىنجۋ بولعانى.

5-كەڭەس. ۇيدە ءىنجۋدىڭ تابيعيلىعىن انىقتاۋ ءۇشىن جاساعان تاجىريبەلەرىڭىز ناتيجە بەرمەسە، ونى ارنايى شەبەرحاناعا اپارىپ كورسەتۋگە بولادى. زەرگەرلەر ارنايى توموگرافپەن تابيعي ءىنجۋدى وڭاي انىقتايدى.

Massaget.kz


:ءبولىسۋ

اأتور:

novasa

پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات