فرانسيا ناپولەون كەزىندە بەكىتىلگەن ءبىلىم جۇيەسىن وزگەرتپەك

 استانا. قازاقپارات - پاريج بەن فرانسيانىڭ باتىس ايماقتارىندا ءبىلىم بەرەتىن ۇستازدار جوعارى سىنىپ وقۋشىلارىنا تەك جوعارى باعا قويۋ ارقىلى ەسكى جۇيەنى قالدىرۋدى تالاپ ەتىپ جاتقان كورىنەدى.

فرانسيا پرەزيدەنتى ەممانۋەل ماكرون نەگىزى 1808 -جىلى ناپولەون كەزىندە بەكىتىلگەن ءبىلىم جۇيەسىن مودەرنيزاتسيالاۋدى قولعا الدى. ەنگىزىلگەن وزگەرىستەرگە ساي، سوڭعى سىنىپ وقۋشىلارى جوعارى وقۋ ورنىنا ءتۇسۋ ءۇشىن جاڭا فورماتتاعى ەمتيحاننان وتەدى. ونداعى تەستتەر سانى ازايتىلىپ، سۇراقتار جاڭا تاقىرىپتار مەن ماماندىقتارعا باعىتتالادى. پرەزيدەنتتىڭ ايتۋى بويىنشا، ەسكى جۇيە وقۋشىلاردى جوعارى وقۋ ورنىنا قاجەت دەڭگەيدە دايىنداي المايدى جانە زاماناۋي ەڭبەك نارىعىندا ءوز ورنىن تابۋعا باعىت بەرۋگە قاۋقارلى ەمەس. ۇستازدارمەن قوسا وقۋشىلار دا بۇل جۇيەگە قارسى شىعىپ جاتىر. دەسە دە، ديرەكتورلار كەڭەسى زامان اعىمىنا ساي تالپىنىستاردى قولداپ، جاڭا جۇيەنى قۇپ كورىپ وتىر.

Massaget.kz