USD 434.34 EUR 491.93
RUB 5.56 CNY 68.67
جاڭالىقتار

حالىق مەديتسيناسى: بەزەۋگە قارسى ماسكالار

28 اقپان 02:19
:ءبولىسۋ
حالىق مەديتسيناسى: بەزەۋگە قارسى ماسكالار

استانا. قازاقپارات - تەرىنىڭ ەڭ كوپ تاراعان اۋرۋى - بەزەۋ. بەزەۋ كوبىنەسە 14-16 جاستاعى بالالاردا بولادى.

بۇل - جىنىستىق جەتىلۋدىڭ ۋاقىتشا قوسىمشا اسەرى. ماي بەزدەرىنىڭ شىعاراتىن وزەگى بىتەلەدى دە وعان اۋرۋ تۋدىراتىن ميكروبتار ءتۇسىپ، قابىنادى. اينالاسىنداعى تەرى تىعىزدالىپ، قىزارادى دا كىشكەنتاي ءتۇيىن پايدا بولادى، ول ءجيى ىرىڭدەيدى. ولار ۋاقىتشا پايدا بولادى، ءبىراق تەرىنىڭ كوپ بولىگىنە جايىلىپ اۋىرۋى مۇمكىن. بەزەۋ بەتتى، كەۋدەنى، ارقانىڭ جوعارى بولىگىن زاقىمدايدى.

كوپتەگەن ادام بەزەۋدەن قۇتىلۋ ءۇشىن قىمبات دارىلەرمەن، كرەمدەر ساتىپ الادى. نەگىزى، بەزەۋدى ءۇي جاعدايىندا بەزەۋگە قارسى ماسكا جاساۋ ارقىلى ەمدەۋگە بولادى. ءۇي جاعدايىندا بەزەۋگە قارسى ماسكا جاساۋ ءسىزدىڭ قارجىڭىزدى ۇنەمدەيدى. ءۇي جاعدايىندا بەزەۋگە قارسى مىناداي ماسكالار جاساۋىڭزىعا بولادى.

بەزەۋگە قارسى ماسكالار

1. ءتۇرلى دارىلىك وسىمدىكتەردەن بەزەۋگە قارسى اسەرلى ماسكا جاساۋعا بولادى. مىسالى: 1 شاي قاسىقتان تۇيمەداق گۇلىن، جالبىزدىڭ جاپىراعىن جانە كوك شايدى الىڭىز. قوسپاعا 1 ستاقان قايناعان سۋ قوسىپ، سۋىتىپ قويىڭىز. وسى تۇنبامەن بەزەۋ شىققان تەرىنى تاڭەرتەڭ جانە كەشكە ءسۇرتىپ تۇرۋى ءتيىس. تۇنبانى توڭازىتقىشتا ساقتاۋ كەرەك.

2. بەزەۋدى كەتىرۋ ءۇشىن كادىمگى ءتىس پاستاسىندا قولدانۋعا بولادى. ءتىس پاستاسى مىندەتتى تۇردە اق بولۋى كەرەك (ءتۇرلى ءتۇستى بولماعانى ابزال). دارىلىك وسىمدىكتەردىڭ قوسپاسىنان بولسا ءتىپتى جاقسى. تۇندە ءاربىر بەزەۋگە ءتىس پاستاسىن جاعىڭىز، تاڭەرتەڭ بەزەۋلەر كەۋىپ كەتەدى.

3. بەزەۋلەردى كەتىرۋگە جولجەلكەننىڭ جاپىراقتارى دا كومەكتەسەدى. جولجەلكەننىڭ جاپىراقتارىنىڭ شىرىنىمەن بەزەۋلەردە كۇنىنە 2-3 رەت ءسۇرتىپ تۇرۋى ءتيىس. وسىلايشا بەتتەگى بەزەۋلەردەن ارىلاسىز.

4. تۇيمەداق تۇنباسى حالىق مەديتسيناسىندا بەزەۋگە قارسى كەڭىنەن قولدانىلادى. 1 ستاقان قايناعان سۋعا 1 شاي قاسىق كەپتىرىلگەن تۇيمەداق گۇلدەرىن قوسىپ، 5 مينۋت قايناتىڭىز. سودان سوڭ، 30-40 مينۋت تۇندىرىڭىز. وسى تۇنبامەن كۇندەلىكتى تاڭەرتەڭ جانە كەشكە بەزەۋ شىققان تەرىنى ءسۇرتىڭىز.

دەرەككوز: Reactor


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات