ءومىرىڭىزدى باسقارۋدى بىلەسىز بە؟
وعان 10-20 مينۋتتىڭ ءوزى دە جەتكىلىكتى بولادى.
2. تاۋلىگىنە 6-8 ساعات ۇيىقتاڭىز. سونىڭ ءوزى دە ورگانيزمگە جەتكىلىكتى بولىپ تابىلادى. اتاقتى ادامداردىڭ ودان از ۇيىقتاعانىن ەستەن شىعارماڭىز.
3. تەلەفونمەن سويلەسكەندە، داۋسىڭىزدا جىلىلىق پەن قۇلشىنىس سەزىمى مول بولسىن. سويلەسىپ وتىرعان ادامىڭىزعا ءوز قۇرمەتىڭىزدى ءبىلدىرىڭىز. مەيلى ول بەيتانىس، بولماسا تۋىسىڭىز بولسىن، ول جاعى ماڭىزدى ەمەس. سوندا وزگەلەردىڭ سىزگە دەگەن قۇرمەتى ارتاتىن بولادى.
4. جەكسەنبىنىڭ ءاربىر كەشىن ساپاتاماعا ارناڭىز. وسى اپتادا اتقارعان شارۋالارىڭىزدى قورىتىندىلاڭىز جانە كەلەسى اپتاعا جوسپار ءتۇزىڭىز. بۇنى داستۇرگە اينالدىرىڭىز.
5. جاڭا تىلدەردى مەڭگەرىڭىز. ول انا ءتىلدى جاقسى ءتۇسىنۋدىڭ زور ءتاسىلى بولىپ تابىلادى. وزگە تىلدەردى مەڭگەرۋ كەزىندە ءسىز ءوز ميىڭىزعا تىڭ تاپسىرمالار بەرەسىز. سونىڭ ناتيجەسىندە ول بۇرىڭعىدان دا جاقسى جۇمىس ىستەيتىن بولادى.
6. ءوز قورقىنىشتارىڭىزعا تىكە قاراۋعا تىرىسىڭىز. قورقىنىشتار كوبەيگەن سايىن ءومىر ءسۇرۋ قيىنداي بەرەدى. ءسىزدىڭ نەلەردەن قورقاتىڭىز ەمەس، ولاردى قالاي جەڭەتىنىڭىز ماڭىزعا يە. قورقىنىشتارىڭىزدى بىرتىندەپ، رەت-رەتىمەن جەنىڭىز. ءومىر قىسقا، وسى كەزەڭدى قورقىنىشتا ەمەس، راحات سەزىممەن وتكىزۋگە تىرىسىڭىز.
7. العا قويعان ماقسات عانا ەمەس، وعان باراتىن جولدىڭ دا ماڭىزعا يە ەكەنىن ەسىڭىزدەن شىعارماڭىز. الدا كەزدەسەتىن كوپتەگەن قيىنشىلىقتارعا قاراماستان، العان باعىتىڭىزدان قايتپاڭىز، سوندا ناقتى تابىسقا جەتەتىن بولاسىز.
8. ءىستى كەيىنگە قالدىرا بەرۋدى توقتاتىڭىز. ءوز ءومىرىڭىزدى ءوزىڭىز باسقارىڭىز. ناقتى نەنى قالايتىڭىز تۋرالى ويلانىڭىز. ەگەر دە ءسىز بۇگىن ءبىر جۇمىستاردى جوسپارلاساڭىز، ءبىراق كوڭىل-كۇيىڭىز تومەن بولىپ، قانداي دا ءبىر ىسكە قولىڭىز بارماسا دا، ءوزىڭىزدى جۇمىس ىستەۋگە ماجبۇرلەڭىز. كەز- كەلگەن ءىس ديۆاندا وتىرىپ، قۇر بوسقا تەلەديدار كورۋدەن نەمەسە كومپيۋتەردىڭ الدىندا بوسقا ۋاقىت وتكىزۋدەن مىڭ ەسە ارتىق.