استانادا ەگىز بالانىڭ اناسى ەندى ۇشەم بوساندى

 استانا. قازاقپارات - استانادا بيىلعى جىلداعى العاشقى ۇشەم دۇنيەگە كەلدى، - دەپ حابارلايدى Almaty.tv تەلەارناسى.

ۇشەمدى دۇنيەگە اكەلگەن سۆەتلانا ءالى دە ءوز باقىتىنا سەنە الار ەمەس. ءبىر ساتتە ول كوپبالالى انا اتاندى. بەس جىل بۇرىن ول وسى پەرزەنتحانادا ەگىز تۋعان. «مەنىڭ ارعى اجەم دە ەكى رەت قاتارىنان ەگىز تۋعان ەكەن. ونى ماعان اجەم ايتتى. سوندىقتان مۇنداي باقىت ماعان دا بۇيىرىپ وتىر دەپ ويلايمىن. ءۇش پەرىشتە جاتىر الدىمدا. وتە باقىتتىمىن! №3 -پەريناتالدىق ورتالىق دارىگەرلەرىنە العىسىم شەكسىز. جۇكتىلىكتىڭ ەڭ العاشقى اپتاسىنان باستاپ بۇگىنگە دەيىن ءجىتى باقىلادى»، - دەيدى جاس انا.

ەكى ۇل مەن ءبىر قىز 19 -اقپاندا تۋعان، ءارقايسىنىڭ سالماعى - 2 كەلى. باقىتى ۇشكە ەسەلەنگەن انا مەن ءۇش نارەستەنىڭ قازىرگى جاعدايى جاقسى بولعاندىقتان، ۇيگە شىعارىلدى.

Kaz.tengrinews.kz