قازاقستاندا ءتورت جوعارى وقۋ ورنى ساتىلىمعا شىعارىلدى

 استانا. قازاقپارات - ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتى قارجى مينيسترلىگى رەسپۋبليكانىڭ ءتورت جوعارى وقۋ ورنىنىڭ ۇلەسىن ساتۋ تۋرالى شەشىم قابىلدادى، - دەپ حابارلايدى ۆەدومستۆونىڭ باسپا ءسوز قىزمەتى.

ساتىلىم بيىل 7 -ناۋرىزدا اۋكسيوننىڭ باعا ءوسىرۋ تاسىلىمەن وتەدى. رەسپۋبليكا مەنشىگىنەن ساتىلىمعا قويىلعاندار ىشىندە ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتى، بايقوڭىروۆ اتىنداعى جەزقازعان ۋنيۆەرسيتەتى، قازاق باس ساۋلەت-قۇرىلىس اكادەمياسى، الماتى ەنەرگەتيكا جانە بايلانىس ۋنيۆەرسيتەتى بار.

«بارلىق نىساننىڭ 35 پايىز ۇلەسى ساتىلادى. تەك الماتى ەنەرگەتيكا جانە بايلانىس ۋنيۆەرسيتەتىنىڭ 33,65 پايىزى ساتىلىمعا قويىلدى. بۇل نىسانداردىڭ باستاپقى باعاسى ءارتۇرلى. ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ

باعاسى 1711278931,00 تەڭگەدەن باستالادى، كەپىلدى جارنا - 75750000,00 تەڭگە»، - دەدى ق ر قارجى مينيسترلىگىنىڭ باسپا ءسوز قىزمەتىندەگىلەر.

ساتىلىمعا قاتىسۋ ءوتىنىمى 7-ناۋرىزدا تاڭعى 8:00-گە دەيىن قابىلدانادى. «بايقوڭىروۆ اتىنداعى جەزقازعان ۋنيۆەرسيتەتىنىڭ باستاپقى باعاسى - 336396978,00 تەڭگە، ال قازاق باس ساۋلەت- قۇرىلىس اكادەمياسى 2522061695,00 تەڭگەدەن باستاپ ساتىلادى. الماتى ەنەرگەتيكا جانە بايلانىس ۋنيۆەرسيتەتىنىڭ باستاپقى قۇنى 1401617089,00 تەڭگە بولادى. سۋ سپورتىنىڭ جانە سپورتتىڭ قولدانبالى تۇرلەرى بويىنشا رەسپۋبليكالىق جوعارى سپورتتىق شەبەرلىك مەكتەبى - 331060000,00 تەڭگە»، - دەپ حابارلادى قارجى مينيسترلىگىندەگىلەر.

نىساندار gosreestr.kz سايتىندا ەلەكتروندى تەندەر ارقىلى ساتىلادى.

Kaz.tengrinews.kz