قازاقستان مەن ءۇندىستان اراسىنداعى رەيستەردىڭ نەگە توقتاپ قالعانى بەلگىلى بولدى
وعان پاكىستان رەسپۋبليكاسى اۋە كەڭىستىگىنىڭ بۇكىل حالىقارالىق اۋە ساپارلارىنا جابىقتىعى سەبەپ بولدى، دەپ حابارلايدى قازاقپارات ءتىلشىسى.
«ۇشاق دەليدەن الماتى ۋاقىتى بويىنشا ساعات 12:50 كەزىندە ۇشىپ شىعىپ، ساعات 16:40 كەزىندە الماتىعا كەلۋى كەرەك بولاتىن. قازىرگى ۋاقىتتا اۋە كومپانياسى اتالعان رەيستىڭ جولاۋشىلارىن ءتۇسىرىپ الۋ جونىندە شەشىم قابىلدادى» ، - دەلىنگەن ق ر ي ي د م ازاماتتىق اۆياتسيا كوميتەتىنىڭ حابارلاماسىندا.
حابارلانىپ وتىرعانداي، «ەير استانا» اۋە كومپانياسىنىڭ 27 - اقپانعا جوسپارلانعان KC 963/964 رەيسى مەن 28 - اقپانعا جوسپارلانعان KC 907/908 رەيسى بولجام بويىنشا ورىندالماۋى مۇمكىن.
«جولاۋشىلار اتالعان رەيس جايلى كولل- ورتالىقتان نەمەسە اۋە كومپانياسىنىڭ رەسمي سايتىنان ءبىلىپ وتىرعانى دۇرىس.
ايتا كەتەرلىگى، بۇدان بۇرىن 27 - اقپان كۇنى ۇشىپ شىققان Uzbekistan Airways اۋە كومپانياسىنىڭ تاشكەنت- امريتسار باعىتىنداعى Boeing 767 بورتى تاشكەنتكە قايتىپ كەلگەن بولاتىن.