تارازداعى جارىلىس: ءبىرتانوۆ جاراقاتتانعاندارعا قانداي كومەك كورسەتىلىپ جاتقانىن ايتتى
بۇل تۋرالى بۇگىن «نۇر وتان» پارتياسىنىڭ كەزەكتى XVIII سەزى اياسىندا ب ا ق وكىلدەرىنە دەنساۋلىق ساقتاۋ ءمينيسترى ەلجان ءبىرتانوۆ ايتتى، دەپ حابارلايدى قازاقپارات ءتىلشىسى.
«تارازداعى وقيعاعا بايلانىستى سەزد الدىندا جەرگىلىكتى دەنساۋلىق ساقتاۋ باسقارماسىنىڭ باسشىلارىمەن سويلەستىم. وكىنىشكە وراي ءۇش ادام سول جەردە قازا تاپتى. ءۇش ادام اۋرۋحانادا. ولاردىڭ ءبىرى - بالا باس جاراقاتىن العان، جاعدايى اۋىر. ارنايى وپەراتسياعا دايىنداپ جاتىر. دەنساۋلىق ساقتاۋ مينيسترلىگى تاراپىنان قانداي كومەك بولسىن كورسەتۋگە دايىنبىز. ەكىنشى ناۋقاستا قارقىندى ەم الىپ جاتىر. دەنەسىنىڭ 50 پايىزىن كۇيىك شالعان. بارلىعى مەديتسينالىق كومەك الىپ جاتىر. ءبارى مەنىڭ جەكە باقىلاۋىمدا»، - دەدى ەلجان ءبىرتانوۆ.
ەسكە سالا كەتسەك، ەلباسى تاپسىرماسىمەن تارازداعى توتەنشە جاعدايدى تەرگەۋگە قاتىستى ۇكىمەتتىك كوميسسيا قۇرىلدى.
سونىمەن قاتار مەملەكەت باسشىسى قازا تاپقانداردىڭ وتباسى مەن تۋىستارىنا كوڭىل ايتتى.