نۇرسۇلتان نازاربايەۆتىڭ توراعالىعىمەن «نۇر وتان» سيەزى باستالدى
سيەزد كۇن تارتىبىندە بىرنەشە ماسەلەنى قاراستىرۋ كوزدەلگەن. اتاپ ايتقاندا، الدىمەن «نۇر وتان» پارتياسىنىڭ 2030 - جىلعا دەيىنگى باعدارلاماسى تۋرالى ماسەلە قوزعالادى. ودان كەيىن پارتيانىڭ جارعىسىنا وزگەرىستەر مەن تولىقتىرۋلار قاراستىرىلىپ، پارتيا ساياسي كەڭەسىنىڭ جانە ورتالىق باقىلاۋ- تەكسەرۋ كوميسسياسىنىڭ ەسەپتى كەزەڭ بويىنشا جۇمىسىنىڭ قورىتىندىلارى شىعارىلادى. سونىمەن قاتار پارتيا ساياسي كەڭەسىنىڭ جانە ورتالىق باقىلاۋ- تەكسەرۋ كوميسسياسىنىڭ مۇشەلەرى سايلاناتىن بولادى.
سيەزد جۇمىسىنا 2 مىڭعا جۋىق ادام قاتىسۋدا. ولاردىڭ 1200- ءى ەلىمىزدىڭ بارلىق وڭىرلەرىنەن كەلگەن دەلەگاتتار، ال قالعان 800-گە جۋىعى - قوناقتار.
ايتا كەتەيىك، تاياۋدا ق ر پرەزيدەنتى نۇرسۇلتان نازاربايەۆ «نۇر وتان» پارتياسىنىڭ جاقىندا وتەتىن سيەزىندە الەۋمەتتىك قولداۋدى كۇشەيتۋگە جانە ازاماتتاردىڭ تۇرمىس ساپاسىن ارتتىرۋعا ارنالعان ءبىرقاتار شارالار ۇسىناتىندىعىن ايتقان بولاتىن. وعان بيۋدجەتتەن جانە ۇلتتىق قوردان قوماقتى قارجى بولىنبەك. اتالعان قاراجات از قامتىلعان ازاماتتارعا الەۋمەتتىك قولداۋ كورسەتۋ ءىسىن كۇشەيتۋگە، حالىقتىڭ الەۋمەتتىك تۇرعىدان ءالسىز توپتارىنىڭ باسپانا جاعدايىن جاقسارتۋ مۇمكىندىكتەرىن ارتتىرۋعا، وڭىرلەردى دامىتۋ ساياساتىن تۇبەگەيلى وزگەرتۋگە جۇمسالادى.
«ۇكىمەت پەن بارلىق دەڭگەيدەگى اكىمدەردىڭ جۇمىسى وسى مىندەتتەردى جۇزەگە اسىرۋعا باعىتتالۋى ءتيىس. ۇكىمەت پەن وڭىرلەردىڭ يەلىگىندەگى قاراجات كوزدەلگەن ماقساتقا ساي جۇمسالماي وتىر. مۇنىڭ بارىنە باقىلاۋ ورناتىلادى. وسى باعىتتار جونىندە «نۇر وتان» پارتياسىنىڭ سيەزىندە تولىعىراق ايتىلاتىن بولادى»، - دەگەن ەدى ەلباسى.
اۆتور: مارلان جيەمباي