تاڭسىق ءبىراق ءدامدى - نەمىس جاستارى قازاقشا دايىندالعان ەتتىڭ ءدامىن تاتتى

 استانا. قازاقپارات - قازاقستانداعى گەرمانيا ەلشىلىگىنىڭ پراكتيكانتتارى قازاقتىڭ ۇلتتىق تاعامدارىنان اۋىز ءتيىپ، ءوز اسەرلەرىمەن ءبولىستى، دەپ حابارلايدى قازاقپارات.

بەينەروليكتى قازاقستانداعى گەرمانيا ەلشىلىگى Facebook جەلىسىندە جاريالادى.

«قازاقتىڭ ۇلتتىق اسحاناسى الۋان ءتۇرلى جانە كوپتەگەن شەتەلدىك قوناقتاردى تاڭعالدىرادى. ءبىز جاڭا پراكتيكانتتارىمىزدى قازاق تاعامدارىن جەۋگە شاقىردىق جانە پىكىرلەرىن سۇرادىق. جاس گەرمانيالىقتار قازاقتىڭ كوپتەگەن تاعامىن ۇناتتى. تەك قىمىزعا ۇيرەنۋ ءۇشىن ولارعا ءبىراز ۋاقىت قاجەت» ، - دەپ جازىلعان ەلشىلىك جازباسىندا.

قازاقستانعا ءۇش ايلىق تاجىريبەگە كەلگەن دجاميللا قىمىزدىڭ ءدامىن ايران، پروسەككو (شاراپ) جانە بەكوننىڭ قوسپاسىنا ۇقساتتى.

 ونىڭ ارىپتەسى بەنيامين لانگە «جاقسى» دەپ ۇستامدىراق جاۋاپ بەردى. قىمىزعا قاراعاندا بەنيامينگە شۇبات كوبىرەك ۇناعان ءتارىزدى.

باۋىرساقتى ەكى قوناق تا قوش كوردى. «بارلىق قۋىرىلعان تاعام ءدامدى بولادى. باۋىرساق تا ءدامدى» ، - دەدى دجاميللا.

سونىمەن بىرگە، قوناقتارعا ءتىل، بەكىرە بالىقتان جاسالعان قازى، كەسپە كوجە مەن قۋىرداق ۇسىنىلدى.

 «ادەتتەگى كەسىلگەن قامىرى بار كوجە، تەك ىشىندە شۇجىعى بار. بۇل قازى شىعار» ، - دەدى دجاميللا.

اقىرىندا داستارحانعا قازاقشا ەت كەلدى جانە قوناقتار ءوز تاڭدانىسىن جاسىرمادى.

«ءدامى بىزگە تاڭسىق، ءبىراق ءتىل ۇيىرەدى» ، - دەدى شەتەلدىك قوناقتار.