فوتوگراف كوزىمەن: بايقوڭىر عارىش ايلاعى

None
None
 استانا. قازاقپارات - يرلانديالىق تانىمال سۋرەتشى ەندريۋ ماككوننەلدىڭ كورمەسى رەسەيدە العاش رەت ۇيىمداستىرالادى.

كورمە اقپاننىڭ 28 ءى مەن ناۋرىزدىڭ 31 ى ارالىعىندا ماسكەۋدەگى كوسموناۆتيكا مۇراجايىندا «ورالۋ» ("Re-entry") دەگەن اتپەن وتەدى. كورمەگە كەلۋشىلەر ەلىمىزدەگى حالىقارالىق عارىش ايلاعىندا تۇسىرىلگەن، وسى كورمەنىڭ نەگىزى بولىپ سانالاتىن سۋرەتتەردى تاماشالاي الادى. «مەنى عاسىرلىق ءومىر سالتىن ساقتاپ قالعان مەكەن مەن جوعارى تەحنولوگيا توعىساتىن بۇل جەر تاڭقالدىردى. دالاداعى قازاقتار قازىرگى زاماننىڭ ومىرىنە ەنۋىنە قاراماستان، ءوز داستۇرلەرىن ساقتاپ قالعان. قازاق جەرىنىڭ بىرەگەيلىگى ۇيلەسىمدە ءومىر سۇرەتىن ەكى الەمدى بىرىكتىرۋدەن تۇرادى دەگەنگە كۇمان جوق»، -  دەيدى فوتوگراف.

ەندريۋ ماككوننەلل الەمگە تانىمال فوتوگراف. ول گاناداعى قوقىس ماسەلەسىنە نازار اۋدارعان، سيرياداعى بوسقىندار تۋرالى قۇجاتتى فوتورەپورتاج جاساعان، سونىمەن بىرگە، گازا سەكتورىنداعى شيەلەنىسكەن ءومىردى سۋرەتتەگەن. ول "World Press Photo" كونكۋرسىنىڭ جەڭىمپازى. سونداي- اق، ب ا ق- فوتوگراف ۇلتتىق قاۋىمداستىعى سىيلىعىنىڭ 4 رەت لاۋرەاتى اتانعان. كونگو دەموكراتيالىق رەسپۋبليكاسىنداعى داۋ- دامايدى سۋرەتتەگەنى ءۇشىن حالىقارالىق لۋيسا ۆالتۋەنيا اتىنداعى فوتوبايقاۋدىڭ جەڭىمپازى اتانعان.

 نازارلارىڭىزعا ەندريۋ ماككوننەللدىڭ بايقوڭىر عارىش ايلاعىندا تۇسىرگەن فوتوسۋرەتتەرىن ۇسىنامىز.



«مەن قازاقستانداعى ءاربىر توقتاعان ايماقتاعى اۋىلدارعا بارىپ، جەرگىلىكتى تۇرعىندارمەن تىلدەسىپ، ولاردىڭ ءومىر سالتى مەن تابيعاتىن سۋرەتكە ءتۇسىرىپ وتىردىم. مەن بۇل دالادا ادامزات تاريحى شوعىرلانعانىن ءتۇسىندىم. بۇل جەردە ءبىزدىڭ وتكەنىمىز بەن بولاشاعىمىز ءار زىمىران كوككە كوتەرىلگەن سايىن ءبىر- بىرىمەن بەتپە- بەت كەلەدى. ادامدار قانداي ماقساتپەن عارىشقا ۇشپاسىن، ءارقاشان ولار وسى جەرگە قايتىپ ورالادى»، -  دەيدى سۋرەتشى.

 

 قۇتقارۋ توبى «سويۋزتما-15م» عارىش كەمەسىنىڭ كەلۋىن كۇتىپ تۇر. قازاقستان، 2015 -جىلعى ماۋسىم.



ىزدەستىرۋ- قۇتقارۋ توبى «سويۋز مس-01» كەمەسىن كۇتىپ وتىر. «كوگەرشىن» وتريادىنا تيەسىلى ۆەزدەحود زىمىران جەرگە تۇسكەسىن اۋا رايىنىڭ قولايسىز جاعدايىندا دا عارىشتىق كەمەلەردىڭ قاي جەردە تۇرعانىن انىقتاي الادى جانە ونى قاۋىپسىز جەرگە تاسىمالدايدى. قازاقستان، 2015 -جىلعى ماۋسىم.



«كوگەرشىن» ىزدەۋ- قۇتقارۋ كولىكتەرى «سويۋز مس-01» كاپسۋلاسىن كۇتۋدە. قازاقستان، 2016 -جىل، قازان.



ىزدەۋ- قۇتقارۋ جاساعى دات عارىشكەرى اندرەاس موگەنسەنگە «سويۋزتما-16م» كاپسۋلاسىنان شىعۋعا كومەكتەسىپ جاتىر. قازاقستان، قىركۇيەك، 2015 -جىل.

 

«سويۋزتما-19م» عارىش كەمەسى كاپسۋلاسى جەرگە قوندى. قازاقستان، 2016 -جىلعى ماۋسىم.



 رەسەيلىك عارىشكەر گەننادي پادالكا «سويۋزتما-17م» عارىش كەمەسىمەن جەرگە ورالۋ ءساتى. ح ع س- دا جاڭا پىسكەن جەمىستەر سيرەك كەزدەسەدى، سوندىقتان عارىشكەرلەردى جەرگە ورالعان ساتىندە الماتىنىڭ اپورت الماسىمەن كۇتىپ الادى.

گەننادي پادالكا عارىشتا ەڭ كوپ بولعان عارىشكەر. ول حالىقارالىق عارىش ستانتسياسىندا بارلىعى 878 كۇن زەرتتەۋ جۇمىستارىمەن اينالىسقان. قازاقستان، قىركۇيەك، 2015 -جىل.

 

«سويۋزتما-19م» زىمىرانى №1 ۇشۋ- قونۋ جولاعىنا تاسىمالدانىپ جاتىر. قازاقستان، بايقوڭىر عارىش ايلاعى، جەلتوقسان، 2015 -جىل.

Massaget.kz

سوڭعى جاڭالىقتار