جاڭادان كەلگەن مينيسترلەر جايلى نە بىلەمىز؟

 استانا. قازاقپارات - قازاقستاندا ۇكىمەت قۇرامىنا جاڭادان ەنگەن لاۋازىمدى تۇلعالار بار.

Tengrinews.kz رەداكسياسى جاڭادان تاعايىندالعان مينيسترلەر جايلى مالىمەت جينادى.

كۇلاش ءشامشيدينوۆا - ءبىلىم جانە عىلىم ءمينيسترى



ول 1958 -جىلى 4 -ناۋرىزدا الماتى وبلىسىندا دۇنيەگە كەلگەن.

1979 -جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ حيميا فاكۋلتەتىن بىتىرگەن. الماتى وبلىسىنىڭ مەكتەپتەرىنىڭ بىرىندە حيميا ءپانىنىڭ مۇعالىمى بولعان، تالدىقورعان وبلىستىق وقىتۋشىلاردى جەتىلدىرۋ ينستيتۋتىنىڭ ديرەكتورىنىڭ ورىنباسارى قىزمەتىن اتقارعان. تالدىقورعاندا № 18-ورتا مەتەبىنىڭ ديرەكتورى بولدى. 1996 -جىلدان 2002 -جىلعا دەيىن - تالدىقورعان اكىمىنىڭ ورىنباسارى. 2002 -جىلدىڭ اقپانىنان 2005 -جىلدىڭ مامىرىنا دەيىن - ق ر ءبىلىم جانە عىلىم ۆيتسە- ءمينيسترى.

2005 -جىلدىڭ 23 -مامىرىنان 2007 -جىلدىڭ ساۋىرىنە دەيىن - «بوبەك» ۇلتتىق عىلىمي- تاجىريبەلىك، ءبىلىم بەرۋ جانە ساۋىقتىرۋ ورتالىعىنىڭ باس ديرەكتورى. 2007 -جىلدىڭ ساۋىرىنەن 2009 -جىلدىڭ قازانىنا دەيىن - ق ر ءبىلىم جانە عىلىم ۆيتسە- ءمينيسترى. 2009 -جىلدىڭ قازانىنان 2019 -جىلدىڭ اقپانىنا دەيىن - «نازاربايەۆ زياتكەرلىك مەكتەبى» ا ق- نىڭ باسقارما ءتورايىمى قىزمەتتەرىندە جۇمىس ىستەگەن.

رۋسلان دالەنوۆ - ۇلتتىق ەكونوميكا ءمينيسترى



رۋسلان دالەنوۆ 1975 -جىلى سەلينوگرادتا دۇنيگە كەلگەن. ىستامبۇلداعى مارمارا ۋنيۆەرسيتەتىن ءتامامداعان. ەڭبەك جولىن 1999 -جىلى ق ر مەملەكەتتىك كىرىس مينيسترلىگىندە باستاپ، جەتەكشى مامان، ءبولىم باسشىسى، باسقارما باسشىسىنىڭ ورىنباسارى جانە باسقارما باسشىسى قىزمەتتەرىن اتقارعان. 2002 -جىلدىڭ ناۋرىز- قىركۇيەك ايلارى اراسىندا ق ر مەملەكەتتىك كىرىستەر مينيسترلىگىنىڭ كىرىستەردى تالداۋ جانە بولجاۋ دەپارتامەنتىندە باسقارما باسشىسى قىزمەتىن اتقارعان.

ال 2002 -جىلدىڭ قىركۇيەگىنەن 2003 -جىلدىڭ مامىر ايىنا دەيىن ق ر قارجى مينيسترلىگىنىڭ كىرىستەر، كونۆەنسيالار جانە كەلىسىمشارتتار دەپارتامەنتىنىڭ اعىمداعى كىرىستەر باسقارماسىنىڭ باسشىسى بولعان. كەيىنىرەك ق ر قارجى مينيسترلىگىنىڭ سالىق كوميتەتىندە كىرىستەردى تالداۋ جانە اعىمداعى بولجاۋ باسقارماسىندا باسشى قىزمەتىن اتقارادى.

كەيىن قارجى مينيسترلىگىنىڭ تالداۋ دەپارتامەنتى ديرەكتورى بولىپ جۇمىس ىستەيدى. 2005-2008 -جىلدار اراسىندا جەكە سەكتوردا جۇمىس ىستەگەن. ال 2008 -جىلدىڭ ناۋرىزىندا قارجى ۆيتسە- ءمينيسترى بولىپ تاعايىندالدى. 2017 -جىلدىڭ ءساۋىر ايىنان 2019 -جىلدىڭ اقپانىنا دەيىن - ۇلتتىق ەكونيكا ءمينيسترىنىڭ ءبىرىنشى ۆيتسە-ءمينيسترى بولعان. جاڭا لاۋازىمدا ول تيمۋر سۇلەيمەنوۆتىڭ ورنىنا كەلدى.


 ساپارحان وماروۆ - اۋىل شارۋاشىلىعى ءمينيسترى



ساپارحان وماروۆ بۇل لاۋازىمعا ءومىرزاق شۇكەيەۆتىڭ ورنىنا كەلدى. ول 1968 -جىلى وڭتۇستىك قازاقستان وبلىسىندا دۇنيەگە كەلدى. ءار جىلدارى ق ر ۇلتتىق كوميسسيانىڭ قۇندى قاعازدار ءبولىمىنىڭ باسشىسى بولعان. «ازىق-تۇلىك كەلىسىم شارت كورپوراتسياسى» ا ق ۆيتسە-پرەزيدەنتى بولدى.

ق ر پرەزيدەنتىنىڭ ءىس باسقارماسى پارلامەنتىنىڭ ماتەريالدىق- تەحنيكالىق قامتاماسىز ەتۋ باسقارماسى باسشىسىنىڭ ورىنباسارى قىزمەتىن اتقارعان. 2008-2011 -جىلدارى ق ر پرەزيدەنت اكىمشىلىگىنىڭ مەملەكەتتىك باقىلاۋ جانە اۋماقتىق- ۇيىمداستىرۋ جۇمىسى بولىمىندە مەملەكەتتىك ينسپەكتورى بولعان.

2011-2014 -جىلدارى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ مۇشەسى بولدى. 2014-2016 -جىلدارى ق ر اۋىل شارۋاشىلىعى مينيسترلىگىنىڭ ۆيتسە- ءمينيسترى قىزمەتىن اتقاردى. ق ر پارلامەنتىنىڭ VI شاقىرىلىمىنىڭ ءماجىلىس دەپۋتاتى. 2016 -جىلدىڭ ناۋرىز ايىندا ق ر پارلامەنت ءماجىلىسىنىڭ اۋىل شارۋاشىلىعى جونىندەگى كوميتەتىنىڭ ءتوراعاسى قىزمەتىن اتقارعان.

 Kaz.tengrinews.kz