قىتايدان قازاقستانعا زاڭسىز بالىق تاسىمالداعان قىرعىزستاندىق ۇستالدى
«كەشە كەشكىلىك، قورداي شەكارا وتريادىنىڭ «قورداي- اۆتو» وتكىزۋ بولىمشەسىندە شەكاراشىلار «مەرسەدەس- بەنتس» اۆتوكولىگىمەن ءبىزدىڭ ەلىمىزگە كىرمەكشى بولعان، 1982 -جىلى تۋعان قىرعىز رەسپۋبليكاسى ازاماتىن ۇستادى. ول وزىمەن بىرگە ەشقانداي رۇقسات قۇجاتتارىنسىز 150 قورپقا سالىنعان، جالپى سالماعى 1500 ك گ قىتايدا ىستالعان «سۋداك» بالىعىن الىپ كىرمەك بولعان» - دەلىنگەن حابارلامادا.
تاۋار اكتىلەنىپ قورداي اۋداندىق مالدارىگەرلىك بولىمىنە تاپسىرىلدى.
بالىق دەمەكشى.. . وتكەن دەمالىس كۇندەرى جاعالاۋ كۇزەتى وڭىرلىك باسقارماسىنا قاراستى اتىراۋ شەكارا وتريادىنىڭ «ەۆرازيا» شەكارا زاستاۆاسى اۋماعىندا ورنالاسقان دامبا ەلدىمەكەنىنىڭ ماڭىنان شەكاراشىلار ەكى بىردەي ۇشدوڭگەلەكتى «ۋرال» موتوتسيكلىن تاۋىپ العان.
«شەكاراشىلاردىڭ جاقىنداپ قالعانىن تەلەفون ارقىلى ەستىدى مە ەكەن، «وتاربالاردىڭ» يەلەرى ۇشتى- كۇيلى «عايىپ» بولىپ ۇلگەرىپتى. ولاردىڭ قاۋىرت قاشۋىنا سەبەپ بولعان، موتوتسيكلدەردىڭ «بەسىكتەرىنە» تولتىرىلعان، ەلىمىزدىڭ بايلىعىنىڭ ءبىرى - باعالى بالىقتار بولىپ شىقتى. جالپى سالماعى - 150 ك گ توڭىرەگىندە» - دەلىنگەن باسپا ءسوز حابارلاماسىندا.
تابىلعان كولىك قۇرالدارى مەن بالىقتار اكتىلەنىپ، اتىراۋ وبلىسى بويىنشا ورمان شارۋاشىلىعى جانە جانۋارلار الەمىن قورعاۋ ورىندارىنىڭ قىزمەتكەرلەرىنە تاپسىرىلعان بولاتىن.