استانا اكىمدىگىن جاڭارتۋدىڭ ەكىنشى كەزەڭى باستالدى
وتىرىستا قالا اكىمدىگىن ترانسفورماتسيالاۋدىڭ ەكىنشى كەزەڭى تالقىلاندى.
«كەشە وتكەن پارلامەنت ءماجىلىسىنىڭ پلەنارلىق وتىرىسىندا ەلباسى بۇگىنگى الەۋمەتتىك- ەكونوميكالىق جاعداي مەن سىرتقى ساياسي احۋالدى ەسكەرە وتىرىپ، ءبىرقاتار باستى باعىتتاردى ايقىنداپ بەردى. ونىڭ ىشىندە ەلباسى، حالىقتىڭ جاعدايىن كوتەرىپ، ازاماتتاردى الەۋمەتتىك قولداۋ مەن يدەولوگيالىق جۇمىستى كۇشەيتۋ جونىندەگى ءبىرقاتار تاپسىرمالار بەردى. بۇل قالا اكىمدىگىنىڭ قۇرىلىمىن وزگەرتىپ، كەشەندى جۇمىس جاساۋدى تالاپ ەتەدى. وسىعان قاراي، استانا اكىمدىگىن ترانسفورماتسيالاۋدىڭ ەكىنشى كەزەڭىن جاريالاۋدىڭ كەزى كەلىپ وتىر» ، - دەدى ب. سۇلتانوۆ وتىرىستا.
ونىڭ ايتۋىنشا، ترانسفورماتسيالاۋدىڭ ءبىرىنشى كەزەڭى ەكونوميكالىق تيىمدىلىكتى، مەملەكەتتىك اپپارات جۇمىسىنىڭ ساپاسى مەن جەدەلدىگىن ارتتىرۋعا ءوز سەپتىگىن تيگىزدى. 2018 -جىلى ترانسفورماتسيالاۋ مەن جاڭا تاسىلدەمەلەردى ەنگىزۋدىڭ ارقاسىندا استانا اكىمدىگى 27, 6 ميلليارد تەڭگەنى ۇنەمدەدى. ەكىنشى كەزەڭدە ءبىرقاتار وزگەرىس ورىن الادى دەپ كۇتىلۋدە.
بىرىنشىدەن، قازىرگى قارجى، بيۋدجەتتىك جانە ستراتەگيالىق جوسپارلاۋ باسقارمالارى جاڭا ەكونوميكا باسقارماسى بولىپ بىرىكتىرىلىپ، قالامىزدىڭ ستراتەگيالىق دامۋى مەن باسىم سەكتورلاردى دامىتۋ ارقىلى جاڭا ەكونوميكانى جاساقتاۋعا جاۋاپ بەرەتىن بولادى. ەكىنشىدەن، قالالىق ورتانى رەنوۆاتسيالاۋ باسقارماسى قۇرىلادى. وعان قۇرىلىس جانە تۇرعىن ءۇي ساياساتى، قالالىق ورتانى رەگەنەراتسيالاۋ، قورشاعان ورتانى قورعاۋ جانە تابيعاتتى پايدالانۋ باسقارمالارى كىرەدى.
«بۇل سالادا دا وتە ماڭىزدى مىندەتتەر تۇر. جوبالىق- باعدار ءادىسىن قولدانۋ ارقىلى الەۋمەتتىك نىساندار مەن تۇرعىن ءۇي قورىن سالۋ، جوبالىق باسقارۋدىڭ الەۋەتىن پايدالانا وتىرىپ، اكىمدىكتىڭ تاپسىرىس بەرۋشى رەتىندەگى ءرولىن نىعايتۋ، بارلىق مۇددەلى تاراپتارمەن ءتيىمدى قارىم- قاتىناس ورناتۋ، سمارت- جوبالاردى ىسكە اسىرۋ قاجەت» ، - دەدى قالا اكىمى.
ول، سونىمەن قاتار، كەشەندى جانە جۇيەلى شەشىمدەر ارقىلى بيۋدجەت قاراجاتىن ءتيىمدى پايدالانۋدى ارتتىرۋ كەرەكتىگىن ايتتى.
«تابيعاتتى پايدالانۋ سالاسىندا قالانى جاسىلداندىرۋ جۇمىستارىن جاڭاشا جۇرگىزگەن ءجون. قالانىڭ لاندشافتىق ديزاينىنا بايلانىستى زاماناۋي تەندەنتسيالاردى ەسكەرە وتىرىپ، جاڭا ەرەجەلەر جاساۋدى تاپسىرامىن. ەكولوگيالىق قاۋىپسىزدىك سالاسىندا ۇزاق مەرزىمدى باسىمدىقتار نەگىزىندە الەمدىك تاجىريبەگە سۇيەنە وتىرىپ، جوبالىق باسقارۋ ادىستەرىن ەنگىزۋ جانە قورشاعان ورتانى قورعاۋ تۇجىرىمداماسىن دايىنداۋ قاجەت» ، - دەدى ب. سۇلتانوۆ.
ۇشىنشىدەن، بارلىق قوعامدىق- يدەولوگيالىق جۇمىس قوعامدىق دامۋ باسقارماسى ارقىلى ۇيىمداستىرىلادى. بۇل باسقارماعا قوعامدىق دامۋ ىستەرى، مادەنيەت جانە سپورت، تىلدەردى دامىتۋ جانە ارحيۆ ءىسى باسقارمالارى بىرىكتىرىلەدى.
«ءۇش ورگاننىڭ ءبىرى يدەولوگيالىق بلوكقا ەنۋى ەكونوميكالىق تيىمدىلىكپەن قاتار، اكىمدىكتىڭ اتالعان سالاداعى جۇمىسىن جاڭا ساپالىق دەڭگەيگە شىعارادى. بۇل يدەولوگيالىق جۇمىستار ەلوردالىقتاردىڭ مادەني دەڭگەيىن كوتەرۋ جانە سالاۋاتتى ءومىر سالتىن قالىپتاستىرۋ ارقىلى استانالىقتاردىڭ ساناسىن تيىسىنشە جاڭعىرتۋعا مۇمكىندىك بەرەرى ءسوزسىز» ، - دەدى قالا باسشىسى.
وسىعان بايلانىستى باقىت سۇلتانوۆ ءوزىنىڭ ورىنباسارى نۇرلان نۇركەنوۆكە اكىمدىكتىڭ يدەولوگيالىق جانە الەۋمەتتىك جۇمىستارىن جاڭعىرتۋدى، الەۋمەتتىك سالاداعى جۇمىستاردى جاقسارتۋ ارقىلى جەرگىلىكتى اتقارۋشى ورگانداردىڭ وڭ ءيميدجىن قالىپتاستىرۋ باعىتىندا جۇمىس ىستەۋدى جۇكتەدى. ودان بولەك، اكىمدىكتە جاڭادان سيفرلاندىرۋ جانە مەملەكەتتىك قىزمەت باسقارماسى قۇرىلادى.
«ەلباسىنىڭ ەلىمىزدى الەمنىڭ ەڭ وزىق وتىز مەملەكەتىنىڭ قاتارىنا قوسۋعا قاتىستى ناقتى تاپسىرماسى بار ەكەنىن جاقسى بىلەسىزدەر. بۇل تيىسىنشە جاڭا يننوۆاتسيالىق دامۋ مەن جەدەل تەحنولوگيالىق وزگەرىستەردى تالاپ ەتەدى. ەلوردادا اۋقىمدى «سمارت استانا» جوباسى ىسكە اسىرىلۋدا. قازىر تۇجىرىمداما بەكىتىلگەن. بۇل، بىرىنشىدەن، حالىقتىڭ جاعدايىن جاقسارتۋدى، قولايلى قىزمەتتەردى ۇسىنۋدى كوزدەيتىن زاماناۋي جوبا. اتالعان سالالاردى سيفرلاندىرۋ ەڭ اۋەلى ەڭبەك ونىمدىلىگىن ارتتىرۋعا، قاراپايىم حالىققا جانە كاسىپكەرلەرگە ساپالى قىزمەت كورسەتۋدى قامتاماسىز ەتۋگە، جىلدام ءارى قاۋىپسىز اقپارات ۇسىنۋعا، دەرەكتەردى جيناقتاۋ، وڭدەۋ، ادام كاپيتالىن دامىتۋ، ياعني كرەاتيۆتى قوعام قالىپتاستىرۋعا مۇمكىندىك بەرەدى» ، - دەپ اتاپ ءوتتى ب. سۇلتانوۆ.
وسىعان وراي، اكىم بارلىق ورىنباسارلارىنا مەملەكەتتىك ورگانداردىڭ قىزمەتىن جان- جاقتى زەردەلەپ، ونى جاقسارتۋعا قاتىستى ناقتى ۇسىنىستار ەنگىزۋدى تاپسىردى.