مۇعالىمدى مىندەتىنەن تىس جۇمىسقا تارتقان باسشىلار ايىپپۇل ارقالايدى - زاڭ جوباسى

None
None
استانا. قازاقپارات - قازاقستاندا الداعى ۋاقىتتا مۇعالىمدەردى مىندەتىنەن تىس جۇمىسقا تارتقان لاۋازىمدى ادامدار جازالانۋى مۇمكىن.

بۇل تۋرالى قازاقستان رەسپۋبليكاسى ءبىلىم جانە عىلىم قىزمەتكەرلەرى كاسىپوداعى ءتوراعاسىنىڭ ورىنباسارى ايگۇل مۇقاشەۆا استانادا «پەداگوگتار مارتەبەسى تۋرالى» زاڭ جوباسىن تالقىلاۋ جيىنىندا تىلشىلەرگە ايتىپ بەردى، دەپ حابارلايدى قازاقپارات ءتىلشىسى.

«پەداگوگتار مارتەبەسى تۋرالى» ۇسىنىلىپ وتىرعان زاڭ جوباسىندا مۇعالىمگە ءتىل تيگىزىپ، ونىڭ كاسىبي جۇمىسىنا ارالاسقىسى كەلگەن لاۋازىمدى ادامداردىڭ جاۋاپكەرشىلىگى كوزدەلگەن. وسى زاڭ ارقىلى ونداي ساناتتاعى ادامدارعا الدىمەن ەسكەرتۋ بەرىپ، كەيىن اكىمشىلىك جاۋاپكەرشىلىكپەن ايىپپۇل سالۋ كوزدەلگەن. ماسەلەن، مۇعالىمدى مىندەتىنەن تىس جۇمىسقا تارتاتىن بولسا، ول لاۋازىمدى ادام الدىمەن ەسكەرتۋ الىپ، كەيىن 10 ا ە ك كولەمىندە، ياعني 25250 تەڭگە مولشەرىندە ايىپپۇل ارقالايتىن بولادى»، - دەيدى ايگۇل مۇقاشەۆا.

ول سونىمەن بىرگە، مۇعالىمدەردىڭ قىزمەتىنەن تىس جۇمىستارعا نە جاتاتىنىن ءتۇسىندىرىپ بەردى.

«ول جۇمىستاردىڭ ساناتىنا - سەنبىلىك جاتادى. ءوزىڭىز بىلەتىندەي، ءبىزدىڭ جۇمىس بەرۋشىلەر ءار سەنبى سايىن سەنبىلىك ۇيىمداستىرۋدى جاقسى كورەدى. ول جۇمىستاردىڭ ساناتىنا ءۇي ارالاۋدى دا جاتقىزۋعا بولادى»، - دەيدى ول.

ايگۇل مۇقاشەۆا قالانى ۋچاسكەگە ءبولىپ تاستاپ، مۇعالىمدەردى ارالاتۋ جۇمىسى بارىن جاسىرمادى.

«مۇعالىمنىڭ نەگىزگى مىندەتى - بالانى تاربيەلەۋ جانە وقىتۋ. باسقا ەشقانداي جۇمىسپەن ءمۇعالىم باسىن اۋىرتپاۋى كەرەك. مىندەتىنەن تىس جۇمىسقا مۇعالىمدى مەكتەپ ديرەكتورىمەن بىرگە جەرگىلىكتى اتقارۋشى ورگانداردىڭ دا قىزمەتكەرلەرى تارتقىسى كەلەدى. بۇيرىق قايدان كەلىپ جاتىر؟ مەكتەپ ديرەكتورىنىڭ تەك بۇيرىقتى ورىندايتىنى بەلگىلى. سول سەبەپتى، بۇل ماسەلەگە كەڭ اۋقىمدا قاراۋ كەرەك»، - دەيدى ايگۇل مۇقاشەۆا.

 

سوڭعى جاڭالىقتار