تەگىن ەم قابىلداۋدىڭ تارتىپتەرى قانداي

استانا. قازاقپارات - مەديتسينالىق الەۋمەتتىك ساقتاندىرۋ قورى اۋرۋحانادا تەگىن ەمدەلۋ جولىن ءتۇسىندىردى، دەپ حابارلايدى قازاقپارات ءتىلشىسى.

 قوردىڭ باسپا ءسوز قىزمەتى اۋرۋحانادا تەگىن ەمدەلۋدىڭ ەكى جولى بارىن اتادى.

جوسپارلى تۇردە اۋرۋحانا ەمدەلۋ: دارىگەردىڭ باعىتتاۋى بويىنشا سوزىلمالى اۋرۋلار مەن ومىرگە قاۋىپ ءتوندىرىپ تۇرماعان اۋرۋلاردى ەمدەۋ. شۇعىل اۋرۋحاناعا جاتقىزۋ: پاتسيەنتتىڭ (ەمدەلۋشىنىڭ) ومىرىنە قاۋىپ ءتوندىرىپ تۇرعان، كەيىنگە ىسىرۋعا كەلمەيتىن اۋرۋ بويىنشا ستاتسيونارداعى ەم.

شۇعىل ەمدەۋ ءاردايىم تەگىن جۇرگىزىلەدى. ستاتسيونارداعى جوسپارلى ەم بولسا، دارىگەردىڭ باعىتتاۋى بويىنشا تەگىن جۇرگىزىلەدى. ول ەمدى قالاي الۋعا بولادى؟

- ءوزىڭىز قارالىپ جۇرگەن اۋرۋحاناعا بارىڭىز؛

- دارىگەر ءسىزدى قاراپ، اۋرۋحاناعا جاتقىزۋ قاجەتتىگىن راستاۋ ءۇشىن تەكسەرىس تاعايىندايدى؛

- تەكسەرىستەن ءوتىڭىز؛

- دارىگەردىڭ باعىتتۋىن رەسىمدەپ الىڭىز؛

- ءسىز ءوز دارىگەرىڭىزبەن بىرگە ەمدەلەتىن مەديتسينالىق ۇيىمىڭىزدى تاڭداپ الا الاسىز؛

- اۋراحاناعا ءوتىنىمدى تىركەڭىز: ءسىزدىڭ مالىمەتتەرىڭىز «اۋرۋحاناعا جاتقىزۋ بيۋروسى» پورتالىنا تىركەلەدى؛

كوپ جاعدايدا اۋرۋحاناعا جاتقىزۋ مەرزىمى اۆتوماتتى تۇردە بەلگىلەنەدى.

مامانداندىرىلعان اۋرۋحانالاردا - ونكولوگيالىق، پسيحياتريادىق، ناركولوگيادىق، تەرى- ۆەنەرولوگيالىق نەمەسە ينفەكسيالىق، باسقا دا ەمحانالاردا ەمدەلۋ مەرزىمى ستاتسيونارمەن بىرگە ايقىندالادى.

- اۋرۋحاناعا جاتىپ ەمدەلۋ ءۇشىن تالون الىڭىز: سىزگە تالوندى كودپەن بىرگە بەرەدى؛

- https://bg.eisz.kz/ سايتىنا كودتى ەنگىزىپ، كەزەكتى كۇتىڭىز.

اۋرۋحاناعا جاتار كۇنى وزىڭىزبەن بىرگە كەلەسى قۇجاتتاردى الىپ ءجۇرۋدى ۇمىتپاڭىز:

- جەكە كۋالىك؛

- اۋرۋحاناعا جاتۋعا ارنالعان تالون؛

- دياگنوستيكالىق تەكسەرۋ ناتيجەلەرى؛

- اۋرۋحاناعا جاتقىزۋ تۋرالى باعىتتاما- قۇجات.

ەگەر ستاتسيونارلىق ەم باسقا قالادا جوسپارلانعان بولسا، بيلەت جايىن ءوزىڭىز رەتتەگەنىڭىز دۇرىس. مەديتسينالىق الەۋمەتتىك ساقتاندىرۋ قورى كولىك شىعىنىن وتەمەيدى.

ەگەر اۋرۋحاناعا جاتۋعا قاتىستى كەدەرگىلەر كەزدەسسە، دارىگەرگە بۇل تۋرالى ەسكەرتكەنىڭىز دۇرىس. ايتپەسە، اۋرۋحاناعا جاتقىزۋ مۇمكىندىگى جويىلىپ كەتۋ مۇمكىن.

اۋرۋحاناعا جاتقىزۋدان كەلەسى جاعدايدا باس تارتىلۋى مۇمكىن:

- ەگەر اۋرۋحاناعا جاتۋدان بۇرىن پاتسيەنت اۋرۋحانادا قاجەتتى تەكسەرىستەن وتپەگەن جاعدايدا، قوسىمشا تەكسەرىستەن وتپەگەن ۋاقىتتا؛

- جوسپارلى اۋرۋحانادا ەمدەلۋگە قاتىستى پاتسيەنتتە قاراما- قايشىلىق كەزدەسسە؛

- پاتسيەنتتە ستاتسيونارلىق كومەكتىڭ كورسەتىلگەنى جايلى قۇجاتى بولماسا، ەگەر شەشىممەن كەلىسپەسەسىڭ مەديتسينالىق الەۋمەتتىك ساقتاندىرۋ قورىنا وتىنىشپەن شىعا الاسىز.

ستاتسيونار پاتسيەنتتى ءبىر تاۋلىك كۇتەدى. ۋاقتىلى كەلە الماعان جاعدايدا بۇل تۋرالى ەسكەرتىلۋى كەرەك. ايتپەسە، پاتسيەنتتىڭ ءوتىنىمى كۇشىن جويادى. 

ەگەر سىزگە جوسپارلى اۋرۋحانادان ەمدەلۋدەن باس تارتىلسا، قوردىڭ حالىقپەن جۇمىس بويىنشا دەپارتامەنتىنە حابارلاسۋعا بولادى: [email protected] جانە  87172647023, 87172647066. سونىمەن بىرگە، مەديتسينالىق الەۋمەتتىك ساقتاندىرۋ قورىنىڭ سايتىنداعى «حالىقتىڭ باقىلاۋى» تۇيمەشەسى ارقىلى شاعىم قالدىرۋعا بولادى.

اۆتور: ايان بەكەن ۇلى