قازاقستاندىق دارىگەرلەر ا ق ش- قا تاجىريبە الماسۋعا باردى
استانادا ۇلتتىق ونكولوگيالىق ورتالىعىن قۇرۋ ءۇشىن ستراتەگيالىق سەرىكتەس قاجەت. ەلجان ءبىرتانوۆتىڭ ا ق ش- قا ساپارىنىڭ باستى ماقساتى وسى. ونكولوگيالىق اۋرۋلارمەن كۇرەس بويىنشا كەشەندى جوسپارى اياسىندا مەملەكەت باسشىسى وسىنداي تاپسىرما بەرگەن ەدى.
قازاقستاندىق دەلەگاتسيا ا ق ش- تىڭ الدىڭعى قاتارلى اۋرۋحانالارىن ارالاپ، تاجىريبەلەرىن زەرتتەدى. بۇل كلينيكالار ونكولوگياداعى عىلىمي زەرتتەۋلەر مەن تەحنولوگيالار بويىنشا الەمدە كوش باستاپ تۇر.
ەلجان ءبىرتانوۆ، ق ر دەنساۋلىق ساقتاۋ ءمينيسترى مىندەتىن اتقارۋشى:
- ەڭ بەلگىلى امەريكاداعى دۇنيەجۇزىلىك عىلىمي ونكولوگيالىق ورتالىقتار MD Anderson, Memorial Sloan دەگەن ورتالىقتار وسى ءبىزدىڭ جوبا بويىنشا ستراتەگيالىق سەرىكتەس بولۋعا دايىن بولىپ، ءوز پىكىرلەرىن ايتتى. ءبىزدىڭ دارىگەرلەرىمىزدىڭ ءبىلىمىن كوتەرۋ، وقىتۋ وسى جەردە، سونىمەن قاتار تەحنولوگيالاردى قازاقستانعا تارتۋ. ول تەك ونكولوگيا سالاسى ەمەس، ول گەنەتيكالىق تەحنولوگيالار، اقپاراتتىق جۇيەلەر، وسىعان بايلانىستى بىرنەشە حالىقارالىق دەڭگەيدەگى ەڭ ۇلكەن كومپانيالارمەن كەزدەسۋ ءوتتى.
ب ۇ ۇ- داعى قازاقستاننىڭ تۇراقتى وكىلدىگىندە وتكەن كەزدەسۋدە العاشقى مەديتسينالىق- سانيتارلىق كومەكتى دامىتۋ ماسەلەسى تالقىلاندى. وسىدان 40 جىل بۇرىن الماتىدا قابىلدانعان دۇنيەجۇزىلىك دەنساۋلىق ساقتاۋ ۇيىمىنىڭ دەكلاراتسياسى وسى كۇنگە دەيىن ءوز جەمىسىن بەرىپ كەلدى. حالىقارالىق قۇجاتتى دەنساۋلىق ساقتاۋ سالاسىنىڭ ۇلى حارتياسى دەپ تە اتاعان.
ەلجان ءبىرتانوۆتىڭ ايتۋىنشا، الماتى دەكلاراتسياسى ءتىپتى دۇنيەءجۇزىنىڭ مەديتسينالىق ورتالىقتارىنىڭ وقىتۋ باعدارلاماسىنا ەنگەن.
ەلجان ءبىرتانوۆ، ق ر دەنساۋلىق ساقتاۋ ءمينيسترى مىندەتىن اتقارۋشى:
- وتكەن جىلداعى استانا قالاسىندا العاشقى مەديتسينالىق كومەك بويىنشا جاھاندىق كونفەرەنسيادا بەكىتىلگەن تاريحي استانا دەكلاراتسياسىنىڭ پرينتسيپتەرىن جەتكىزۋ، ءبىز بۇگىن باسقا مەملەكەتتەردىڭ وكىلدەرىمەن كەلىسىپ، وسى جىلدا قىركۇيەكتە ب ۇ ۇ باس اسسامبلەياسىندا وسى ماسەلەنى كوتەرەمىز.
قازاقستاندىق دەلەگاتسيا ب ۇ ۇ باس اسسامبلەياسى العاشقى مەديتسينالىق سانيتارلىق كومەكتى دامىتۋدا استانا دەكلاراتسياسىنىڭ قاعيداتتارىن ۇستانادى دەگەن سەنىمدە.