اكەسىنىڭ كەلىسىمىنسىز بالانى قازاقستان ازاماتتىعىنان شىعارىپ جىبەرگەن

None
None
 استانا. قازاقپارات - ق ر ادام قۇقىقتارى جونىندەگى ۋاكىل اپپاراتى قازاقستان ازاماتتىعىن بەرۋ باعىتىنداعى پروبلەمالاردى اتادى، دەپ حابارلايدى قازاقپارات.

«قازاقستاندا باسقا مەملەكەتتەردىڭ ازاماتتارى بولىپ سانالاتىن اتا- انالاردىڭ كامەلەتكە تولماعان بالالارىنىڭ ازاماتتىعىن ايقىنداۋىنا بايلانىستى تۋىنداعان وقيعالار وزەكتى ماسەلەگە اينالىپ كەلەدى. اتا- انانىڭ اراسىندا نەكەلەرىنىڭ بۇزىلۋى كەزىندە ءتيىستى كەلىسىمگە كەلمەگەن جاعدايدا اتالعان بالالار وسىنداي وقيعالاردىڭ قۇربانىنا اينالىپ، بۇل فاكتى تەرىس سيپاتقا يە بولادى» ، - دەلىنگەن ومبۋدسمەن باسپا ءسوز قىزمەتىنىڭ حابارلاماسىندا.

 «ق ر ازاماتتىعى تۋرالى» ق ر زاڭىنىڭ 12-بابىنا سايكەس، اتا- اناسىنىڭ ازاماتتىعى ءارتۇرلى بولعاندا، ياعني بالا تۋعان كەزدە ولاردىڭ بىرەۋى قازاقستان رەسپۋبليكاسىنىڭ ازاماتىعىندا تىركەلگەن جاعدايدا، ق ر اۋماعىندا تۋعان بالا قازاقستان ازاماتى سانالادى.

كوپتەگەن ەلدەردىڭ زاڭناماسى كامەلەت جاسىنا دەيىن بالانىڭ ازاماتتىعى اتا- اناسىنىڭ بىرەۋىنىڭ ازاماتتىعى نەگىزىندە ايقىندالادى، بۇل رەتتە ەكى اتا- انانىڭ اراسىنداعى سەنىمحاتتار مەن شارتتار نازارعا الىنادى.

 بۇل تۇرعىدا ومبۋدسمەننىڭ اتىنا قازاقستان ازاماتىنىڭ كامەلەتكە تولماعان بالاسىنىڭ مۇددەسىن قورعاۋ ماقساتىندا جازعان حاتى مىسال بولا الادى. بەلگىلى بولعانداي، قازاقستان اۋماعىندا تۋىپ، ءبىزدىڭ ەلىمىزدىڭ ازاماتتىعىن العان بالا اناسىنىڭ ارەكەتتەرى سالدارىنان، ياعني اكەسىنىڭ كەلىسىمىنسىز جانە ونى ەسكەرتپەستەن، ۋكراينا ازاماتىنا اينالدى. اناسى ۇسىنعان مالىمەتتەرى بويىنشا قاراعاندى وبلىسىنىڭ قۇقىق قورعاۋ ورگاندارى قوس ازاماتتىققا جول بەرىلمەۋى تۋرالى ۇلتتىق زاڭناما نورمالارىن نەگىزگە الا وتىرىپ، بالانى قازاقستان ازاماتتىعىنان ايىرۋ تۋرالى شەشىم قابىلداعان.

ساراپشىلاردىڭ پايىمىنشا، وسىنداي شەشىمدەردى قابىلداۋ كەزىندە شەكتەس ەلدەردىڭ ۋاكىلەتتى قىزمەتتەرىمەن ىقتيمال ءوزارا ءىس- قيمىلداردى جان- جاقتى زەردەلەۋ قاجەت.

 بۇل ناقتى وقيعادا قۇقىق قورعاۋ ورگاندارى بالانى قازاقستاندىق ازاماتتىعىنان ايىرۋ تۋرالى شەشىم قابىلداعان كەزدە جەتكىنشەكتىڭ اكەسىن حاباردار ەتپەگەن. ولار تەك بالانىڭ اناسى ۇسىنعان قۇجاتتاردى نەگىزگە العان. سونىمەن قاتار، قوس ازاماتتىققا تىيىم سالاتىن ۋكراينالىق زاڭنامانىڭ بۇزىلعانىن ەسكەرمەگەن.

جوعارىدا ايتىلعاندار ۆەدومستۆوارالىق، ونىڭ ىشىندە شەتەلدەگى قازاقستاندىق ديپلوماتيالىق وكىلدىكپەن تىعىز ءوزارا ءىس- قيمىل جاساۋ قاجەتتىگىن بايقاتادى.

«بالالاردى ەلدەن تىس جەرگە كوشىرۋ جانە ولاردىڭ شەتەل ازاماتتىعىن الۋ زاڭدىلىعى كونسۋلدىق قىزمەتتەردىڭ ەرەكشە نازارىندا بولۋى ءتيىس. ومبۋدسمەننىڭ پىكىرىنشە، ازاماتتىڭ جاسىنا قاراماستان، قازاقستان ازاماتتىعىنان شىققان ءاربىر وقيعا توتەنشە جاعداي رەتىندە جان- جاقتى قارالۋى ءتيىس» ، - دەپ جازدى اپپارات وكىلدەرى.

وسىعان بايلانىستى اتالعان ماسەلەلەردى قۇقىقتىق رەتتەۋدى جەتىلدىرۋ ورىندى بولىپ تابىلادى.

 جاعدايدىڭ ءمان- جايىن انىقتاۋ ماقساتىندا ۋكراينانىڭ جوعارعى راداسىنىڭ ادام قۇقىقتارى جونىندەگى ۋاكىلىنە، سونداي- اق ق ر سىرتقى ىستەر مينيسترلىگىنە جانە ىشكى ىستەر مينيسترلىگىنە ءتيىستى ساۋالدار جولداندى.

سوڭعى جاڭالىقتار