زەبراعا اق جولاق نە ءۇشىن كەرەك؟
زەبرالاردا ەۆوليۋتسيا پروتسەسىندە پايدا بولعان اق جولاقتاردىڭ قالاي پايدا بولعانى، نە ءۇشىن ساقتالىپ قالعانى قىزىقتىرىپ كەلەدى. ونىڭ جانۋارعا قانداي دا ءبىر پايداسى تيەتىنى انىق، ايتپەگەندە بۇل فەنوتيپ ءالى كۇنگە دەيىن ساقتالمايتىن ەدى. اق جولاق ادامنىڭ ساۋساق ءىزى سياقتى بىرەگەي تاڭبا. سول ارقىلى زەبرا ءتولى ءوز اناسىن وزگەلەردەن اجىراتا الادى. زەرتتەۋلەردە قارا زەبراداعى اق جولاق پا، الدە اق زەبراداعى قارا جولاق پا دەگەن تۇرلاۋسىز تۇجىرىمدار بار. سوڭعى ەڭبەكتەردە زەبرادا تابيعاتىنان قارا جانۋار، اق جولاق زەبرا ەمبريونىنىڭ كەيىنگى دامۋ كەزەڭدەرىندە پايدا بولعان. اقش، ۇلىبريتانيا عالىمدارىنىڭ زەرتتەۋى جولاقتار زەبرانى پارازيت جاندىكتەردەن قورعايدى دەگەن 2012 -جىلى ايتىلعان گيپوتەزانى راستاعانداي بولدى.
اۆتورلار قولعا ۇيرەتىلگەن زەبرالار مەن فەرمەرلىك جىلقىلاردى قاتار باقىلاپ، ولارعا سونانىڭ قانشالىقتى كوپ قوناتىنىن قاداعالاعان. ناتيجەسىندە زەبراعا قاراعاندا جىلقىلارعا سونا 3 ەسە كوبىرەك قونعان. ءيىس، ءتۇس سياقتى ءتۇرلى فاكتورلار زەرتتەۋگە كەدەرگى بولماس ءۇشىن، جىلقىلارعا دا اق ءتۇستى جولاق سالىپ قويعان. ءبىراق ول سونالارعا اسەر ەتە قويماعان. "ءبىز زەبرانى شاعۋعا وقتالعان سونالاردىڭ ۇشۋ تراەكتورياسىن جوعالتىپ الاتىنىن بايقادىق. ولار كوبىنە زەبرا تەرىسىنە سوعىلىپ جاتتى"، - دەلىنگەن ماقالادا. ال جىلقىعا كەلگەندە سونالاردا مۇنداي قيىندىق بولماعان.
Massaget.kz