ءار جىلدارى قازاقستان ۇكىمەتىن كىمدەر باسقاردى؟
پرەمەر-مينيستر مىندەتىن ۋاقىتشا اتقارۋشى بولىپ اسقار مامين تاعايىندالدى. NUR. KZ تاۋەلسىزدىك العالى وسى قىزمەتتە كىمدەر وتىرعانىن ەسكە الۋدى ءجون كوردى.
قازاقستاننىڭ العاشقى پرەمەر-ءمينيسترى سەرگەي تەرەشەنكو بولدى. ول ۇكىمەتتى 1991 مەن 1994- جىلدار ارالىعىندا باسقاردى. وعان دەيىن ول قازاق ك س ر و پرەزيدەنتىنىڭ ورىنباسارى بولعان.
ول كاسىپورىندار اسسوتسياتسياسىنىڭ ءتوراعاسى، سونداي-اق ازاماتتىق جانە قىزمەتتىك قارۋ سالاسىنداعى ۇيىمدارعا باسشىلىق ەتەدى، قازاقستانداعى سلاۆيان، كازاك ۇيىمدارىنىڭ جەتەكشىسى، سونىمەن قاتار اۋىل شارۋاشىلىق مينيسترلىگى جانىنداعى قوعامدىق كەڭەس مۇشەسى. تەرەشەنكو قازاق اۋىلشارۋاشىلىق ينستيتۋتىن اياقتاعانىن ايتا كەتۋ كەرەك.
سونىمەن قاتار سەرگەي تەرەشەنكو الماتىنىڭ قۇرمەتتى ازاماتى جانە يزرايلدىڭ قۇرمەتتى كونسۋلى.
بىرنەشە جىل قاتارىنان Forbes-تىڭ ەڭ بەدەلدى كاسىپكەرلەرى تىزىمىنە ەنىپ ءجۇر.
اكەجان قاجىگەلدين
1994 پەن 1997-جىلدار ارالىعىندا قازاقستان ۇكىمەتىن باسقاردى. وعان دەيىن پرەمەر-مينيستر ورىنباسارى قىزمەتىن اتقارعان. قىزمەتىنەن كەتكەن سوڭ پرەزيدەنتتىڭ شتاتتان تىس كەڭەسشىسى قىزمەتىندە بولدى. 1998-جىلى پرەزيدەنت سايلاۋىندا ۇمىتكەر بولدى، كەيىن وپوزيتسياعا كەتىپ قالدى.
نۇرلان بالعىمبايەۆ
1997-جىلى پرەمە-مينيستر لاۋازىمىنا تاعايىندالعاندا مۇناي كومپانياسىنىڭ پرەزيدەنتى بولعان. وسى مىندەتتى ەكى جىل اتقاردى. سوسىن قايتادان مۇناي سالاسىنا بارىپ، كەيىن جەكە كاسىپكەرلىكپەن اينالىسا باستادى. 2015-جىلى بالعىمبايەۆ ومىردەن وزدى.
قاسىم-جومارت توقايەۆ
سەنات سپيكەرى 1999 بەن 2002-جىلدار ارالىعىندا پرەمەر-مينيستر مىندەتىن اتقاردى. كەيىن سىرتقى ىستەر ءمينيسترى بولىپ، يادرولىق قارۋدى تاراتپاۋ ماسەلەسىن شەشۋدە ەلەۋلى ءرول اتقاردى.
ايتا كەتەيىك، قاسىم-جومارت توقايەۆتىڭ اكەسى بەلگىلى جازۋشى كەمەل توقايەۆ، ۇلى وتان سوعىسىنىڭ ارداگەرى.
يمانعالي تاسماعامبەتوۆ
پرەمەر-ءمينيستردىڭ ورىنباسارى بولىپ، 1998-1999-جىلدارى پرەزيدەنتتىڭ ءبىرىنشى كومەكشىسى قىزمەتىن اتقاردى. كەيىن اتىراۋ وبلىسىنىڭ اكىمى بولدى. 2002-جىلى پرەمەر-مينيستر قىزمەتىنە تاعايىندالىپ، 2003-جىلى مەملەكەتتىك حاتشى قىزمەتىنە اۋىستى.
تاسماعامبەتوۆ پرەزيدەنت اكىمشىلىگىن باسقارىپ، الماتى اكىمى، قورعانىس ءمينيسترى، پرەمەر-مينيستردىڭ ورىنباسارى مىندەتتەرىن اتقارىپ، 2017-جىلى قازاقستاننىڭ رەسەيدەگى توتەنشە جانە وكىلەتتى ەلشىسى قىزمەتىنە تاعايىندالدى.
تاسماعامبەتوۆ تاريحتى، ارگەولوگيا مەن ەتنوگرافيانى جاقسى كورەدى.
دانيال احمەتوۆ
2003 پەن 2007-جىلدار ارالىعىندا پرەمەر-مينيستر لاۋازىمىن اتقاردى. 2007-جىلى 8- قاڭتاردا قىزمەتىنەن كەتۋگە ءوتىنىش ءبىلدىرىپ، ەلباسى ءوتىنىشىن قابىلدادى. قازىر دانيال احمەتوۆ شىعىس قازاقستان وبلىسىنىڭ اكىمى.
كارىم ءماسىموۆ
ەكى مارتە قازاقستان پرەمەر-ءمينيسترى بولدى. ءماسىموۆ وسى لاۋازىمدا ەڭ كوپ، سەگىز جىل بويى وتىرعان شەنەۋنىك. 2007 مەن 2012-جىلدار ارالىعىندا، سونداي-اق 2014 پەن 2016-جىلدار ارالىعىندا ۇكىمەتتى باسقاردى.
ونىڭ مانسابى قازاقستاننىڭ قىتاي كوممەرتسيالىق قۇرىلىمداردان باستالعان. ول گونكونگتاعى «تۇرانبانكتىڭ» باسقارۋ ءتوراعاسىنىڭ مىندەتىن اتقاردى، سوسىن «قازاقستاننىڭ حالىق جيناقتاۋشى بانكىنىڭ» باسقارۋ ءتوراعاسى بولدى.
قازىر كارىم ءماسىموۆ ۇ ق ك ءتوراعاسى. ول بىرنەشە ءتىلدى مەڭگەرگەن: ورىس، اعىلشىن، قىتاي جانە اراب تىلدەرىن بىلەدى. سپورتقا اۋەستىگى بار: تاۋ جانە جۇگىرۋ شاڭعىسى، تاۋعا ورمەلەۋ، گولفپەن شۇعىلدانادى.
سونداي-اق، قازاقستانداعى تاي بوكسى فەدەراتسياسىنىڭ پرەزيدەنتى بولىپ تابىلادى.
سەرىك احمەتوۆ
قازاقستان پرەمەر-مينيستر مىندەتىن 24- قىركۇيەك 2012 مەن 2- ءساۋىر 2014-جىلدار ارالىعىندا اتقاردى. كەيىن وتستاۆكاعا كەتۋگە ءوتىنىش بەرىپ، پرەزيدەنت ونى قابىلدادى.
احمەتوۆتىڭ مانسابى داۋلى اياقتالدى. سىبايلاس جەمقورلىق ءۇشىن ايىپتالعان بۇرىنعى شەنەۋىك 10 جىلعا باس بوستاندىعىنان ايىرىلعان بولاتىن.
باقىتجان ساعىنتايەۆ
2016-جىلى ءماسىموۆ ۇ ق ك ءتوراعاسى بولىپ تاعايىندالعالى بەرى پرەمەر-مينيستر مىندەتىن اتقارىپ كەلدى.
مانسابىن الماتى اۋىل شارۋاشىلىق ينستيتۋتىنىڭ ساياسي ەكونوميكا كافەدراسىنان باستاعان. ءبىراز ۋاقىت كاسىپكەرلىكپەن اينالىسقان.
كەشە 21- اقپان كۇنى مينيسترلەر كابينەتىنىڭ كەزەكتەن تىس وتىرىسىندا پرەمەر-مينيستر باقىتجان ساعىنتايەۆ ۇكىمەتتىڭ وتستاۆكاعا كەتۋى تۋرالى حابارلادى. بۇرىنعى پرەمەر-مينيستر ەلباسى نۇرسۇلتان نازاربايەۆقا العىسىن ءبىلدىردى.