14:16, 22 - اقپان 2019 | GMT +6
بۋرابايدا التىن وندىرەتىن كاسىپورىن قۇرىلىسى باستالادى
كوكشەتاۋ. قازاقپارات - بيىل بۋراباي اۋدانىندا جىلىنا 6 تونناعا دەيىن التىن وندىرەتىن كاسىپورىن قۇرىلىسى باستالادى.
بۇل تۋرالى اقمولا وبلىسىنىڭ اكىمى مالىك مىرزالين تۇرعىندار الدىنداعى ەسەپتى كەزدەسۋىندە ايتتى، دەپ حابارلايدى قازاقپارات ءتىلشىسى.
«2019-جىلى بۋراباي اۋدانىندا «RG Gold» ج ش س بازاسىندا جىلىنا 6 تونناعا دەيىن التىن شىعاراتىن جاڭا كاسىپورىن قۇرىلىسى باستالادى. بۇل رەسپۋبليكادا اسىل مەتالدىڭ وسى ءتۇرىن ءوندىرۋ بويىنشا كوشباسشىلىق پوزيتسيانى نىعايتۋعا مۇمكىندىك بەرەدى (بۇگىنگى تاڭدا وبلىس ق ر جالپى كولەمىنەن 31 پايىز وندىرەدى)»، دەدى م. مىرزالين.