14:52, 22 - اقپان 2019 | GMT +6
قانات يسلام الماتىدا وتەتىن ماحامبەت پەن يساتايدى ەسكە الۋ تۋرنيرىنە كەلەدى
استانا. قازاقپارات - بەلگىلى بوكسشى ايدار شارىبايەۆتىڭ الماتىداعى سپورت كلۋبىندا اۋەسقوي بوكستان ماحامبەت وتەمىس ۇلى مەن يساتاي تايمان ۇلىن ەسكە الۋ تۋرنيرى بولادى، دەپ حابارلايدى قازاقپارات ءتىلشىسى قازاقستان بوكس فەدەراتسياسىنىڭ باسپا ءسوز قىزمەتىنە سىلتەمە جاساپ.
فەدەراتسيانىڭ مالىمدەۋىنشە، تۋرنير 2-3- ناۋرىز كۇندەرى وتەدى. جەكپە-جەكتەردى تاماشالاۋ ءۇشىن قۇرمەتتى قوناقتار، سونىڭ ىشىندە تانىمال كاسىپقوي بوكسشى قانات يسلام دا كەلەدى.
تۋرنيردىڭ ەكىنشى كۇنى بولاتىن فينال كەزدەسۋلەرى اياسىندا جانكۇيەرلەر اراسىندا بوكسپەن اينالىسۋعا بەرىلەتىن تەگىن ابونەمەنتتەردىڭ ۇتىس ويىنى ۇيىمداستىرىلادى.
بيىل قازاق باتىرلارىن ەسكە الۋ ماقساتىنداعى تۋرنيرلەردى جىل بويى، اي سايىن وتكىزۋ جوسپارلانعان. بەلگىلى كاسىپقوي بوكسشى ايدار شارىبايەۆ وسىنداي باستامانى كوتەرىپ شىقتى.