ا ق ش ۆەنەسۋەلانىڭ ەسەپشوتى مەن مەنشىگىن بۇعاتتاپ تاستادى

استانا. قازاقپارات - ۇلتتىق اسسامبلەيا باسشىسى حۋان گۋايدو تاعايىنداعان ۆەنەسۋەلالىق ديپلوماتتار رەسپۋبليكانىڭ ا ق ش- تاعى ەسەپشوتى مەن مەنشىگىن بۇعاتتاۋعا قول جەتكىزدى، - دەپ حابارلايدى ر ي ا نوۆوستي.

  بۇل تۋرالى ۆاشينگتونداعى باسپا ءسوز ءماسليحاتىندا ەلشىلىكتىڭ گۋايدو بەكىتكەن كەڭەسشىسى گۋستاۆو ماركانو ءمالىم ەتتى. بۇعان دەيىن ۆەنەسۋەلا پرەزيدەنتى نيكولاس مادۋرو ديپلوماتتىق قارىم- قاتىناس بۇزىلعان سوڭ ا ق ش- تاعى ديپلوماتتىق ميسسيالاردىڭ بارلىق قىزمەتكەرى وتانىنا ورالعانىن ايتقان ەدى.

«گۋايدو ۇسىنعان العاشقى ارەكەتتەردىڭ ءبىرى اكتيۆتەردى قورعاۋ بولدى. ا ق ش- تا كوپتەگەن مەنشىگىمىز بار ەكەنىن انىقتادىق. وسى اكتيۆتەر رەسپۋبليكا مەنشىگىندە قالۋى ءۇشىن ءبىز ولاردى قورعاپ قالدىق. سونداي- اق، ۆەنەسۋەلانىڭ ا ق ش- تاعى ەلشىلىگى مەن ءتۇرلى كونسۋلدارىنىڭ بانكتىك ەسەپشوتى قورعالدى. بۇل اقشانى ناركورەجيم ەندى پايدالانا المايدى، ولار بۇعاتتالدى»، - دەدى ماركونو، ول بۇل ءسوزىن Periscope-تاعى ترانسلياتسياسىندا ايتتى.

ونىڭ ايتۋىنشا، ۇلتىق اسسامبلەيا وسى قوردى پايدالانۋعا رۇقسات بەرە الاتىن جالعىز ورگان سانالادى. جىلجىمايتىن نىساندارعا قاتىستى ماركانو نيۋ- يوركتەگى كونسۋل عيماراتىن اتادى. ونىڭ سوزىنشە، مادۋرونىڭ بيلىگى ونى 2017 -جىلى ساتىپ جىبەرگىسى كەلگەن. «ءبىز تۇگەندەۋ جۇرگىزىپ، ونى قورعاپ قالدىق. ۆاشينگتونداعى اسكەري اتتاشات عيماراتىن دا ساقتاي الدىق. ولاردى ساتىپ جىبەرۋدەن امان قالدىردىق، قازىر ۆەنەسۋەلادا مەنشىكتى سەگىز نىسان بار - بەسەۋى ۆاشينگتوندا، ۇشەۋى نيۋ- يوركتە»، - دەدى ماركانو.

ۆەنەسۋەلا پارلامەنتىنىڭ سپيكەرى حۋان گۋايدو 23 - قاڭتاردا ۋاقىتشا بيلىك كەزىندە ءوزىن مەملەكەتتىڭ باسشىسى دەپ سايلاعان بولاتىن. ا ق ش پەن باسقا دا ءبىرقاتار ەلدەر گۋايدونىڭ بيلىگىن مويىنداعانىن مالىمدەپ، ۆەنەسۋەلا پرەزيدەنتى نيكولاس مادۋرودان وپپوزيتسياعا قارسى اسكەري ارەكەتتەر جاساماۋىن تالاپ ەتتى. ال مادۋرو ءوزىن كونستيتۋتسيالىق پرەزيدەنت ساناپ، وپپوزيتسيالىق پارلامەنتتىڭ باسشىسىن «ا ق ش- تىڭ قۋىرشاعى» دەپ اتاعان بولاتىن.

رەسەي، قىتاي جانە باسقا دا ءبىرقاتار ەلدەر مادۋروعا ۆەنەسۋەلانىڭ زاڭدى پرەزيدەنتى دەپ قولداۋ كورسەتتى.

TengriNews