شىعىس قازاقستاندا قىمىزبەن ەمدەيتىن شيپاجاي اشىلادى

وسكەمەن. قازاقپارات - «التاي» دەپ اتالاتىن ەرەكشە شيپاجاي كاتونقاراعاي اۋىلىنداعى اۋداندىق اۋرۋحانانىڭ بازاسىندا ورنالاسادى، دەپ حابارلايدى قازاقپارات ءتىلشىسى.

بۇل جاعىمدى جاڭالىق ش ق و اكىمى دانيال احمەتوۆتىڭ تۇرعىندار الدىنداعى ەسەپتىك كەزدەسۋىندە ايتىلدى.

شىعىس قازاقستان تۋريزم سالاسىن، ونىڭ ىشىندە مەديتسينالىق تۋريزمدى دامىتۋعا ءجىتى كوڭىل ءبولىپ وتىر. بۇگىنگى تاڭدا كاتونقاراعاي اۋداندىق اۋرۋحاناسى بازاسىندا «التاي» شيپاجايىن ۇيىمداستىرۋ قولعا الىنعان.

وسى جەردە حالىقتىق مەديتسينا، شوپپەن ەمدەۋ، قىمىزبەن ەمدەۋ، باتپاقپەن ەمدەۋ كابينەتتەرى قىزمەت كورسەتپەك. سونىمەن قاتار، وسى شيپاجايدا وڭالتۋ ءبولىمىن اشۋ دا جوسپاردا بار.

جاڭا شيپاجاي ءۇش جۇلدىزدى ستاندارتقا سايكەس بولماق، جوبا بويىنشا مۇندا ءبىر مەزەتتە 90 ادامعا دەيىن ەمدەلە الادى.