ساعىنتايەۆ باسقارعان ۇكىمەتتە كىمدەر جۇمىس ىستەدى؟
وسى ۋاقىتقا دەيىن ۇكىمەتتى باسقارعان باقىتجان ساعىنتايەۆتىڭ قول استىندا كىمدەر جانە قانشا ۋاقىت قىزمەت ەتتى؟ بۇل سۇراققا NUR. KZ جاۋاپ بەرەدى.
ۇكىمەتتىڭ 10-باسشىسى باقىتجان ساعىنتايەۆ بۇل قىزمەتكە 2016-جىلدىڭ 9- قىركۇيەك كۇنى تاعايىندالعان. ول قازىرگى ۇ ق ك باسشىسى كارىم ءماسىموۆتى الماستىردى. ال ونىڭ الدىندا ساعىنتايەۆ پرەمەر-ءمينيستردىڭ ءبىرىنشى ورىنباسارى قىزمەتىن اتقاردى.
پرەمەر-ءمينيستردىڭ ءبىرىنشى ورىنباسارى بولىپ ءدال سول كۇنى اسقار مامين تاعايىندالدى. ول بۇل قىزمەتكە دەيىن «قازاقستان تەمىر جولى ۇ ق» ا ق باسشىسى بولعان.
ال «بايتەرەك» ۇلتتىق باسقارۋشى حولدينگى ا ق باسقارعان ەربولات دوسايەۆ 2017-جىلدىڭ 29- تامىزىنان باستاپ پرەمەر-ءمينيستردىڭ ورىنباسارى قىزمەتىن اتقاردى.
ونىمەن بىرگە تاعايىندالعان اسقار جۇماعاليەۆ 2018-جىلدىڭ 26- جەلتوقسانىندا قورعانىس جانە اەروعارىش ونەركاسىبى ءمينيسترى اتاندى.
ءومىرزاق شۇكەيەۆ پرەمەر-مينيستر ورىنباسارى-اۋىرشارۋاشىلىق ءمينيسترى قىزمەتىنە 2017-جىلى 15- جەلتوقساندا تاعايىندالدى. وعان دەيىن شۇكەيەۆ «سامۇرىق-قازىنا» قورىنىڭ باسشىسى قىزمەتىن اتقارعان.
ال بەيبىت اتامقۇلوۆ سىرتقى ىستەر مينيسترلىگىنە جاقىن ارادا، 2018-جىلدىڭ 26- جەلتوقسانىندا سايلانعان. ول سىرتقى ىستەر ءمينيسترى قايرات ءابدىراحمانوۆتىڭ ورنىنا وتىرعان. وعان دەيىن اتامقۇلوۆ 2016-جىلدىڭ قازان ايىنان باستاپ قورعانىس جانە اەروعارىش ونەركاسىبى مينيسترلىگىندە قىزمەت ەتكەن.
2019-جىلدىڭ 12- اقپانىندا تاعايىندالعان ەرلان تۇرعىمبايەۆ بۇرىنعى ءى ءى م قالمۇحانبەت قاسىموۆتى الماستىردى.
مادەنيەت مينيسترلىگىنىڭ باسشىلىعىنا 2014-جىلدىڭ مامىر ايىندا كەلگەن ارىستانبەك مۇحامەدي ۇلى سول جىلدىڭ 6- تامىزىندا مادەنيەت جانە سپورت ءمينيسترى اتاندى.
2016-جىلدىڭ 28- جەلتوقسانىندا ۇلتتىق ەكونوميكا ءمينيسترى قۋاندىق بيشىمبايەۆتىڭ ورنىنا تيمۋر سۇلەيمەنوۆ كەلدى.
ال 2018-جىلدىڭ اقپان ايىندا ەڭبەك جانە الەۋمەتتىك قورعاۋ مينيسترلىگىندە تامارا دۇيسەنوۆانىڭ ورنىنا مادينا ءابىلقاسىموۆا تاعايىندالدى.
ءدال سول جىلدىڭ 18- قىركۇيەگىندە قارجى ءمينيسترى باقىت سۇلتانوۆتىڭ ورنىن ءاليحان سمايىلوۆ باستى.
مەملەكەت باسشىسىنىڭ باسپا ءسوز قىزمەتشىسى بولعان داۋرەن ابايەۆ اقپارات جانە كوممۋنيكاتسيالار مينيسترلىگىن 2016-جىلدىڭ مامىر ايىنان باستاپ باسقاردى.
اتالعان جىلدىڭ ماۋسىم ايىندا جەڭىس قاسىمبەك ينۆەستيتسيا جانە دامۋ مينيسترلىگىن باسقارىپ، جەلتوقسان ايىنداعى قايتا قۇرۋدان سوڭ يندۋستريا جانە ينفراقۇرىلىمدىق دامۋ ءمينيسترى اتاندى.
ال 2018-جىلى ءساۋىر ايىندا ءدىن ىستەرى مەن ازاماتتىق قوعام ءمينيسترى اتانعان دارحان كالەتايەۆ 2018-جىلدىڭ 3- شىلدەسىنەن باستاپ قوعامدىق دامۋ ءمينيسترى بولدى.
ەلجان ءبىرتانوۆ دەنساۋلىق ساقتاۋ مينيسترلىگىن 2017-جىلدىڭ 25- قاڭتارىنان باستاپ باسقاردى.
ال ءبىلىم جانە عىلىم مينيسترلىگىنىڭ باسشىسى ەرلان ساعاديەۆ 2016-جىلدىڭ 10- اقپانىندا تاعايىندالدى.
ۆلاديمير شكولنيكتى الماستىرعان قانات بوزىمبايەۆ ەنەرگەتيكا مينيسترلىگى باسشىلىعىنا 2016-جىلدىڭ 25- ناۋرىزىندا كەلدى.
2018-جىلدىڭ تامىز ايىندا نۇرلان ەرمەكبايەۆ ساكەن جاسۇزاقوۆتىڭ ورنىنا قورعانىس مينيسترلىگىن قولعا الدى.
ال ادىلەت مينيسترلىگىن مارات بەكەتايەۆ 2016-جىلدىڭ 13- قىركۇيەگىنەن باستاپ باسقاردى.
ايتا كەتەيىك، 21- اقپان كۇنى مەملەكەت باسشىسى ۇكىمەتتىڭ وتستاۆكاعا كەتۋى ءتيىس ەكەنىن حابارلادى.
وسىلايشا، ەلباسى مينيسترلەر كابينەتىنىڭ وتستاۆكاعا كەتۋى تۋرالى جارلىققا قول قويدى.
پرەمەر-ءمينيستردىڭ مىندەتىن ۋاقىتشا اسقار مامين اتقاراتىن بولدى.
باقىتجان ساعىنتايەۆ ءوز ارىپتەستەرىنە اتقارىلعان ىستەر ءۇشىن راحمەت ايتىپ، ەلباسىعا العىس ءبىلدىردى.