گازدى سۋمەن جۋىنۋ بەتتەگى داقتاردى كەتىرەدى
«سىمباتىڭىزدى ساقتاعىڭىز كەلسە كۇنىنە ەكى ليتر سۋ ءىشىڭىز» دەگەن كەڭەستى تالاي جەردەن ەستىگەن بولارسىز. ارينە، جاقسى كەڭەس! ءبىراق ونى ەسەپتەپ ىشەتىندەر وتە از، سوندىقتان ونىڭ پايداسىن ايتاتىندار دا سيرەك...
ءبىراق ءمولدىر سۋ ادامنىڭ تەرىسىن تازالاپ قانا قويماي، اجىمدەردىڭ پايدا بولۋىن دا تەجەيدى ەكەن. اسىرەسە، گازدالعان سۋسىننىڭ اسەرى مول. بىلۋىمىزشە، ءبارىمىز قىزىعا قارايتىن گولليۆۋد جۇلدىزدارى وسى ءادىستى ءجيى قولدانادى- مىس. بۇگىن ولار سىزدەر ءۇشىن، گازدالعان سۋدىڭ بىرنەشە پايداسىنا توقتالادى:
بەتىڭىزدىڭ تەرىسىن تەگىستەيدى. ءيا، گازدالعان سۋعا بەتىڭىزدى بىرنەشە سەكۋندقا سالىپ الساڭىز، قارا داقتار تۋرالى ۇمىتا بەرۋگە بولادى. سەبەبى گازدالعان سۋ بەتكە پيلينگ سياقتى اسەر بەرەتىن كورىنەدى. اجىمدەردىڭ دە ازايۋۋىنا ىقپال ەتىپ، قارتايۋدى تەجەيدى.
بەتكە تونيك رەتىندە قولدانۋعا دا بولادى. قاراپايىم ماقتا ديسكىلەرىن گازدالعان سۋعا مالىپ، بەتىڭىزدى كۇندە ءسۇرتۋدى ادەتكە اينالدىرىڭىز. ول بەتتى تازالاپ، بورتپەلەردىڭ الدىن الادى. ناتيجەسى جاقسى بولۋ ءۇشىن بىردەي مولشەردە ليمون شىرىنىن قوسىپ ۇيقىعا جاتار الدىندا بەتىڭىز بەن موينىڭىزدى ءسۇرتىپ ءجۇرىڭىز.
بەتكە ارنالعان ماسكىلەرمەن بىرگە قولدانىڭىز. عالامتوردان بەتكە ارنالعان ماسكىلەردىڭ ءتۇر- ءتۇرىن تاۋىپ الۋعا بولادى. ولاردىڭ كوپشىلىگىنە سۋ قوساتىنى دا بەلگىلى، كەلەسى دە سونىڭ ورنىنا گازدى سۋدى قوسىڭىز.
مىسالى قاراپايىم عانا ماسكىنىڭ ءبىرى: بالشىققا مينەرالدى سۋ ارالاستىرىڭىز، 20 مينۋتتان كەيىن گازدالعان سۋمەن جۋۋ. بۇل ءادىس بەتتەگى داقتار مەن تىرتىقتاردىڭ جويىلۋىنا كومەكتەسەدى.
شاشىڭىزدى گازدالعان سۋمەن جۋىپ كورىڭىز. قاراپايىم اۋىز سۋدىڭ ورنىنا گازدالعان سۋمەن شاشىڭىزدى جۋساڭىز جىلتىراپ، جۇمساق بولا باستايدى. ودان بولەك مايلانا بەرەتىن شاشتاردى ەمدەيدى. ەگەر جۋۋ قيىنعا تۇسەدى دەسەڭىز، ءجاي عانا شاشقا ارنالعان سپرەيلەردىڭ ورنىنا شاشقا سەۋىپ ءجۇرىڭىز. قىزدارعا اسەمدىك جاراسادى. اسەمدىكتى ارتتىرۋ ءوزىمىزدىڭ قولىمىزدا ەكەنىن ەسكەرىپ، جالقاۋلىقتى جەڭىپ، كۇتىڭىمىزگە كوڭىل ءبولىڭىز.